ԵՐԵՎԱՆ, 15 հունիսի - Sputnik. Արարատի Ավշար գյուղում «Հայաստան» դաշինքի ներկայացուցիչների հետ հանդիպման ժամանակ հենց բեմի վրա ոստիկանության ծառայողներից մեկը հայտարարեց աշխատանքից դուրս գալու մասին` կոչ անելով իր գործընկերներին և ոստիկանության պետի պաշտոնակատարին չկատարել վարչապետի պաշտոնակատար Նիկոլ Փաշինյանի հրամանները։
«Ես կարողացա իմ մեջ ուժ գտնել և նման քայլի դիմել։ Կուզեի իմ գործընկերներն էլ ինձ պես վարվեին։ Ես էլ պետք է մյուս ոստիկանների պես Սյունիք գնայի` զինված, հագած-կապած, բայց գնայի` ինչ տեսնեի «Ողջույն, Ադրբեջան» գրությամբ դրո՞շը։ Ոչ, զգալով երկրի վիճակը` որոշեցի կանգնել «Հայաստան» դաշինքի կողքին»,–ասաց ՀՀ ոստիկանության ներքին զորքերի հատուկ վաշտի սերժանտ Միսաք Պետրոսյանը։
Պետք է կարգի գցել այս մեքենան․ Ռոբերտ Քոչարյանը՝ ճգնաժամի, պատերազմի և անելիքների մասին
Նրա խոսքով` ահավոր է երկրի վիճակը։ Պետրոսյանն ասում է` Նիկոլ Փաշինյանը երկու տարի առաջ հեծանիվով էր շրջում, իսկ այսօր 400-500 զինված անձ է ուղեկցում նրան։
Նա հայտնեց` այսօրվանից դուրս է գալիս աշխատանքից, և հենց բեմի վրա հանեց իր ոստիկանական արտահագուստը։
ՀՀ ոստիկանության լրատվության ու հասարակայնության հետ կապերի վարչությունից Sputnik Արմենիային հայտնեցին, որ միջադեպի վերաբերյալ ծառայողական քննություն է ընթանում։
Հանդիսանու՞մ է իրականում տվյալ անձը ոստիկանության աշխատակից, թե՞ ոչ, այս պահին չի հապարակվում։
Նշենք, որ այսօր Սյունիքի մարզ նախընտրական այց է կատարել ՀՀ վարչապետի պաշտոնակատար, ՔՊ–ի վարչապետի թեկնածու Նիկոլ Փաշինյանը։
Նոյեմբերին հնարավոր է եղել բոլոր գերիներին վերադարձնել` Փաշինյանը չի համաձայնել. Ավագյան
Հայաստանում արտահերթ խորհրդարանական ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։
