ԵՐԵՎԱՆ, 21 հունիսի – Sputnik․ Արցախի Հանրապետության նախագահ Արայիկ Հարությունյանն այս պահին «Քաղաքացիական պայմանագիր» կուսակցության գրասենյակում է։ Տեղեկությունը հայտնում է irakanum.am-ը։
Կայքը նաև հրապարակել է լուսանկար, որում երևում են Արցախի նախագահ Արայիկ Հարությունյանը, ՀՀ շրջակա միջավայրի նախարար, Կոտայքի նախկին մարզպետ Ռոմանոս Պետրոսյանը։
Լուսանկարից դատելով՝ ԱՀ նախագահի տրամադրությունը բարձր է։
Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն է անցկացվել 2008 ընտրատեղամասերում։
Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։
Խորհրդարանական ընտրություններին մասնակցում են 21 կուսակցություն և 4 դաշինք։
Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։
Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է
