23:23 31 հուլիսի 2021
Ուղիղ եթեր
  • USD486.24
  • GBP679.23
  • EUR578.33
  • RUB6.66
Քաղաքականություն
Ստանալ կարճ հղումը
71 0 0

Կուսակցությունում ընդգծում են, որ «շինծու և անհիմն գործողությունները բացառապես քաղաքական հետապնդման դրսևորում են և ընդդիմախոսներին լռեցնելու նպատակ ունեն»։

ԵՐԵՎԱՆ, 8 հուլիսի – Sputnik. «Վերածնվող Հայաստան» կուսակցությունը խստորեն դատապարտում է իր վարչության անդամների՝ Գորիսի համայնքապետ, «Հայաստան» դաշինքի պատգամավորության թեկնածու Առուշ Առուշանյանի և Քաջարանի համայնքապետ Մանվել Փարամազյանի դեմ սկսված ապօրինի հետապնդման փորձերը։ Այս մասին կուսակցությունը հայտարարություն է տարածել Facebook–ի իր էջում։

«Օրինականության սկզբունքի հետ առնչություն չունեցող, շինծու և անհիմն գործողությունները բացառապես քաղաքական հետապնդման դրսևորում են և ընդդիմախոսներին լռեցնելու նպատակ ունեն»,–ասված է հաղորդագրության մեջ։

Նշվում է, որ այս ձեռագիրը կեղծ քրեական գործերի նոր ալիքի վկայությունն է, որով ապիկար իշխանությունները փորձում են խուսափել մոտալուտ արդարադատությունից և շեղել հանրության ուշադրությունը՝ երկրի առջև ծառացած լրջագույն խնդիրներից։

Ավելի վաղ տեղեկացրել էինք, որ խուզարկություն է կատարվում Քաջարանի համայնքապետ Մանվել Փարամազյանի բնակարանում ու Զանգեզուրի պղնձամոլիբդենային կոմբինատում: Իսկ ավելի ուշ հայտնի էր դարձել, որ Փարամազյանին բերման են ենթարկում ԱԱԾ։

Հիշեցնենք, որ հուլիսի 7-ին բերման էր ենթարկվել Գորիսի համայնքապետ Առուշ Առուշանյանը՝ ընտրակաշառք բաժանելու փաստի առթիվ հարուցված քրգործի շրջանակում։

Նա հրաժարվել էր ցուցմունք տալուց, ու ժամեր անց ազատ էր արձակվել։

Ըստ թեմայի

Սյունիքում ստեղծված իրավիճակին ՀԱՊԿ-ը չի միջամտի․ գլխավոր քարտուղարը պարզաբանել է` ինչու
ԵՄ-ն ՀՀ–ին 1,5 մլրդ եվրո կհատկացնի 5 ծրագրի իրականացման համար. ներառված է նաև Սյունիքը
Քննարկվում է Գեղարքունիքում ու Սյունիքում ռուս սահմանապահների տեղակայման հարցը. ՌԴ դեսպան
թեգերը:
«Վերածնվող Հայաստան» կուսակցություն, Առուշ Առուշանյան, Գորիս, Քաջարան, Մանվել Փարամազյան

Գլխավոր թեմաներ