01:04 30 հուլիսի 2021
Ուղիղ եթեր
  • USD484.36
  • GBP675.63
  • EUR575.08
  • RUB6.62
Քաղաքականություն
Ստանալ կարճ հղումը
100 0 0

«Հայաստան» դաշինքը խստորեն դատապարտում է իշխանության գործելաոճը և նշում, որ քաղաքական հալածանքների, ապօրինի գործողությունների բոլոր մեղավորները պատասխան են տալու:

ԵՐԵՎԱՆ, 8 հուլիսի - Sputnik. «Հայաստան» դաշինքը Facebook–ի իր էջում հայտարարել է, որ իշխանությունները շարունակում են նախընտրական փուլում սկսված բռնաճնշումները դաշինքի ներկայացուցիչների նկատմամբ:

«Վերջին օրերին «Վերածնվող Հայաստան» կուսակցության խորհրդի անդամների, «Հայաստան» դաշինքի նախընտրական ցուցակում ներգրավված անձանց նկատմամբ իրականացվում են քաղաքական հետապնդումներ, կատարվում են ապօրինի գործողություններ: Շարունակվում են երկրում մեկ մարդու իշխանություն հաստատելու փորձերը»,–նշված է հայտարարության մեջ:

Նշվում է, որ այդ գործողությունների նպատակն է թուլացնել խորհրդարանի ամենամեծ ընդդիմադիր խմբակցությանը:

«Հայաստան» դաշինքը խստորեն դատապարտում է իշխանության այս գործելաոճն ու շեշտում, որ քաղաքական հալածանքների, ապօրինի գործողությունների բոլոր մեղավորները պատասխան են տալու:

Հիշեցնենք` երեկ բերման էր ենթարկվել Գորիսի համայնքապետ Առուշ Առուշանյանը, որը Քարահունջի վարչական ղեկավարի նկատմամբ հարուցված քրեական գործի շրջանակում վկայի կարգավիճակ ունի։ Նա ժամեր անց ազատ էր արձակվել։

«Վերածնվող Հայաստանը» դատապարտում է Գորիսի և Քաջարանի համայնքապետների հետապնդման փորձերը

Իսկ այսօր առավոտյան բնակարանի խուզարկությունից հետո ԱԱԾ-ն բերման է ենթարկել Քաջարանի համայնքապետ Մանվել Փարամազյանին։

«Հայաստան» դաշինքի» անդամների նկատմամբ իրականացվող գործողությունները դատապարտող հայտարարություն էր տարածել նաև «Վերածնվող Հայաստան» կուսակցությունը։

Ըստ թեմայի

Ձերբակալվել է Գորիս համայնքի Քարահունջ բնակավայրի վարչական ղեկավարը
Օտար լեզվի քննության թեստերը տալու համար 3000 դոլար կաշառք է վերցրել. ԱԱԾ-ն ձերբակալել է
Գորիսի համայնքապետ Առուշ Առուշանյանին ձերբակալեցին
թեգերը:
Իշխանություն, հայտարարություն, «Հայաստան» դաշինք

Գլխավոր թեմաներ