09:15 24 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Քաղաքականություն
Ստանալ կարճ հղումը
114 0 0

ՍԴ դատավորները նշեցին, որ այս փուլում չեն կարող ներկայացնել միջնորդություն որևէ դատավորի` նիստին չմասնակցելու վերաբերյալ միջնորդություն։

ԵՐԵՎԱՆ, 9 հուլիսի – Sputnik. ՍԴ դատավոր Վահե Գրիգորյանը կմասնակցի ընտրությունների արդյունքները վիճարկող 4 քաղաքական ուժերի ՍԴ ներկայացրած դիմումի քննությանը։ Նման որոշում կայացրեց ՍԴ նախագահ Արման Դիլանյանը` հաշվի առնելով հարցի առնչությամբ ՍԴ դատավորների կարծիքները։

Նշենք, որ «Զարթոնքի» ղեկավար Արա Զոհրաբյանն էր միջնորդություն ներկայացրել, որպեսզի դատավոր Վահե Գրիգորյանը չմասնակցի նիստին։ Ըստ Զոհրաբյանի` Գրիգորյանը եղել է վարչապետի պաշտոնակատար Նիկոլ Փաշինյանի ներկայացուցիչը ոչ միայն ՀՀ–ում, այլ նաև ՄԻԵԴ–ում, ուստի նա կանխակալ մոտեցում ունի։ Ի դեպ, «Հայաստան» դաշինքն ավելի վաղ ներկայացրել էր նման հարց, սակայն ՍԴ մերժել էր դիմումը։

«Հայաստան» դաշինքը միջնորդել է, որ Վահե Գրիգորյանն իրենց գործի քննությանը չմասնակցի

Այսօրվա նիստում Վահե Գրիգորյանը նշեց, որ պատրաստ է իր բացատրությունները ներկայացնել միջնորդության վերաբերյալ, եթե դատարանը կորոշի այս փուլում նման հարցեր քննարկել։

«Ես չեմ ցանկանում թաքնվել ձևական պահանջների հետևում, քանի որ Զոհրաբյանի բարձրացրած հարցն ամբողջ ծավալով քննարկվել է աշխատակարգային նիստի ժամանակ»,–ասաց Գրիգորյանը։

ՍԴ դատավոր Հրայր Թովմասյանը պնդեց` Գրիգորյանի մասնակցության անհնարինության հարցը պետք է ավելի վաղ բարձրացվեր, այլ ոչ թե հիմա։ Թովմասյանի կարծիքին էին նաև ՍԴ դատավորներ Երվանդ Խունդարկյանը, Էդգար Շաթիրյանը։

Դատավոր Արթուր Վաղարշյանն էլ ասաց, որ այս միջնորդությունը ենթակա է մերժման, քանի որ արդեն իսկ քննարկվել է այն աշխատակարգային նիստում, իսկ Արևիկ Պետրոսյանը հավելեց, որ այս հարցը չի կարող բարձրացվել երրորդ անձի կողմից, այլ դատավորներից մեկի կողմից այն կարող էր բարձրացվել։

Ի վերջո, ՍԴ նախագահը որոշում կայացրեց, որ միջնորդությունը չի քննարկվի։

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են ՔՊ-ն (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

«Հայաստան» դաշինքը, «Զարթոնք» ազգային քրիստոնեական կուսակցությունը, «Հայոց հայրենիք» կուսակցությունը և «Պատիվ ունեմ» կուսակցությունների դաշինքն ԱԺ արտահերթ ընտրությունների արդյունքները վիճարկել են հուլիսի 2-ին ՍԴ ներկայացված դիմումներով։

Նրանք պահանջում են կա՛մ ընտրությունների արդյունքներն անվավեր ճանաչել, կա՛մ անվավեր ճանաչել և սահմանել մանդատների ճանաչման նոր կարգ, կա՛մ անվավեր ճանաչել և նշանակել ընտրությունների երկրորդ փուլ։

«Հայաստան» դաշինքը միջնորդել է, որ Վահե Գրիգորյանն իրենց գործի քննությանը չմասնակցի

Ըստ թեմայի

«Զարթոնքը» դիմել է ՍԴ` ընտրության արդյունքները վիճարկելու համար
ՍԴ–ն հայտնել է` երբ կքննի ընտրությունների արդյունքների վերաբերյալ դիմումները
«Հայոց հայրենիքը» ևս դիմել է ՍԴ` ընտրությունների արդյունքները անվավեր ճանաչելու պահանջով
թեգերը:
Վահե Գրիգորյան, Դատավոր, միջնորդություն, Սահմանադրական դատարան

Գլխավոր թեմաներ