02:46 30 հուլիսի 2021
Ուղիղ եթեր
  • USD484.36
  • GBP675.63
  • EUR575.08
  • RUB6.62
Քաղաքականություն
Ստանալ կարճ հղումը
Ռոբերտ Քոչարյան (476)
44920

ՀՀ երկրորդ նախագահն անդրադարձել է Ադրբեջանի նախագահի հոխորտանքին ու Սյունիքի համայնքապետների կալանավորմանը։

ԵՐԵՎԱՆ, 16 հուլիսի – Sputnik. ՀՀ երկրորդ նախագահ Ռոբերտ Քոչարյանը կարծում է, որ Հայաստանը պետք է դրսևորի բավարար կամք՝ պաշտպանելու իր տարածքային ամբողջականությունը և ժողովրդի արժանապատվությունը: Նա գրառում է արել Facebook–ի իր էջում։

«Ադրբեջանի նախագահի՝ Հայաստանի նկատմամբ սպառնալիքներ պարունակող վերջին հայտարարությունից անցել է բավական ժամանակ, և հանրությունը սպասում էր, որ պետության անունից կհնչի համարժեք պատասխան: Դա՛ է պահանջում պետության շահը: Ցավոք, դա հերթական անգամ տեղի չունեցավ: Միջազգային հարաբերություններում չի հարգվում վախվորածությունը և անհստակությունը: Հայաստանին և հայ ժողովրդին ուղղված սպառնալիքները պահանջում են կոշտ և հստակ արձագանք։ Ցավալի է փաստել, բայց քանի դեռ Հայաստանը ղեկավարում է պատերազմում պարտված ղեկավարը, այս ստորացուցիչ պատկերը շարունակվելու է»,– գրել է նա:

Ավելին, Քոչարյանի խոսքով, դրա հետ միաժամանակ իշխանությունները, իրենց թերարժեքության բարդույթով պայմանավորված, ձերբակալում են Սյունիքի համայնքապետերին:

«Բանտարկում են նրանց, ովքեր զենքը ձեռքին պաշտպանել են մարզի բնակիչների անվտանգությունը»,– եզրափակել է երկրորդ նախագահը։

Հիշեցնենք` ԱԺ արտահերթ ընտրություններից հետո Սյունիքի նախկին և ներկա որոշ պաշտոնյաների դեմ քրեական գործեր են հարուցվել։ Կալանավորվել են Քաջարանի համայնքի ղեկավար Մանվել Փարամազյանը, Մեղրիի նախկին համայնքապետ Մխիթար Զաքարյանը, Որոտանի համայնքապետ Սուրիկ Օհանջանյանը, Գորիսի մշակութային կենտրոնի տնօրեն Հայկ Խաչատրյանը։ Կալանավորվել է Քարահունջի համայնքապետ Լուսինե Ավետյանը։ Գլխավոր դատախազությունը ԿԸՀ-ին միջնորդություն էր ներկայացրել Առուշ Առուշանյանի և Սիսիանի համայնքապետ Արթուր Սարգսյանի նկատմամբ քրեական հետապնդում հարուցելու և ազատությունից զրկելու թույլտվության համար։ Հանձնաժողովը երեկ բավարարեց Առուշանյանի վերաբերյալ միջնորդությունը։

թեմա:
Ռոբերտ Քոչարյան (476)

Ըստ թեմայի

Ադրբեջանի իշխանությունը լավ կանի՝ անսա միջնորդների հորդորներին. Փաշինյան
Ադրբեջանն իր ապակառուցողական հայտարարություններով խախտում է եռակողմ պայմանավորվածությունը
Օղակը Հայաստանի պարանոցի շուրջ սեղմվում է. ի՞նչ են ենթադրում Ալիևի հայտարարությունները
թեգերը:
Ադրբեջան, Իլհամ Ալիև, Ռոբերտ Քոչարյան, Հայաստան

Գլխավոր թեմաներ