14:58 03 օգոստոսի 2021
Ուղիղ եթեր
  • USD488.19
  • GBP679.51
  • EUR580.70
  • RUB6.69
Քաղաքականություն
Ստանալ կարճ հղումը
13611

Ռոբերտ Քոչարյանը շեշտել է, որ ի տարբերություն ՀՀ–ի՝ Ադրբեջանի նախագահն ու պաշտոնյաները հստակ ասում են, որ իրենք Ղարաբաղի հարցը լուծել են և այլևս նման խնդիր չունեն։

ԵՐԵՎԱՆ, 21 հուլիսի - Sputnik. Արցախի հարցում ՀՀ իշխանությունները որևէ ողջամիտ մոտեցում չունեն։ Այսօր երեք հեռուստաընկերություններին տված հարցազրույցում նման տեսակետ հայտնեց ՀՀ երկրորդ նախագահ Ռոբերտ Քոչարյանը։

«Ադրբեջանի նախագահն ու պաշտոնյաները հստակ ասում են, որ իրենք Ղարաբաղի հարցը լուծել են և այլևս նման խնդիր չունեն։ Դուք որևէ ողջամիտ, հասկանալի հայտարարություն կամ մոտեցում Հայաստանի իշխանավորների կողմից լսե՞լ եք։ Ես չեմ լսել։ Չկա հայեցակարգ, չկա մոտեցում, ուղղակի հոսանքի մեջ ընկած գնում ենք։ Թե վերջում ինչ կլինի, Աստված գիտի։ Մոտավորապես այս բանաձևն է աշխատում հիմա»,– սաց նա։

Քոչարյանը նաև արձանագրեց, որ առայսօր իշխանությւնը չի պատասխանել հանրությանը հուզող մի շարք հարցերի. ինչպե՞ս ենք կորցրել Շուշին, Հադրութը, արդյոք Արցախյան պատերազմը պլանավորված պարտություն էր, թե որևէ այլ բան։

Երկրորդ նախագահի համոզմամբ, այս հարցերի առկախված լինելը երկրի քաղաքական կյանքում ական է, որի գոյությունը վկայում է ներքաղաքական ճգնաժամի լուծված չլինելու մասին։

Նույն «կարտերի կալոդը» խառնում են. Քոչարյանը՝ պաշտպանության նախարարի փոփոխության մասին

Հիշեցնենք, որ 2020 թվականի սեպտեմբերի վերջին Արցախում սկսվեցին մարտական գործողություններ, որոնք երկարամյա հակամարտության շարունակությունը դարձան և խաղաղ բնակչության թվում զոհերի հանգեցրին։ Կողմերը հաշտություն կնքելու  մի քանի փորձ արեցին, սակայն  հաջողությամբ պսակվեց եռակողմ հայտարարությունը, որը կնքվեց նոյեմբերի 9-ին։

Մոսկվայի միջնորդությամբ Ադրբեջանն ու Հայաստանը պայմանավորվեցին դադարեցնել կրակը և միմյանց հանձնել գերիներին ու զոհվածների մարմինները։ Երևանը Բաքվին փոխանցեց նաև Քելբաջարի, Լաչինի և Աղդամի շրջանները։ Բացի այդ, տարածաշրջանում ռուս խաղաղապահներ տեղակայվեցին։

 

թեգերը:
Ռոբերտ Քոչարյան, Արցախ

Գլխավոր թեմաներ