15:31 28 հուլիսի 2021
Ուղիղ եթեր
  • USD482.28
  • GBP664.39
  • EUR568.13
  • RUB6.53
Քաղաքականություն
Ստանալ կարճ հղումը
64710

Ընդդիմության առաջին օրենսդրական նախաձեռնություններից են լինելու պատգամավորական գործունեության համար ավելացրած գումարները դարձյալ նվազեցնելն ու կառավարական առանձնատների համակարգը վերացնելը։

ԵՐԵՎԱՆ, 22 հուլիսի – Sputnik․ Ութերորդ գումարման խորհրդարանի փոխնախագահի թեկնածուի շուրջ «Հայաստան» և «Պատիվ ունեմ» դաշինքներում քննարկումներ անցկացվել են, որոշում արդեն կա, բայց կհայտարարվի միայն մանդատներն ստանալուց հետո, հուլիսի 23-ի առավոտյան։

Այս մասին Sputnik Արմենիային հայտնեց ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը` միաժամանակ, սակայն, չհերքելով մամուլում տարածված լուրերն այն մասին, որ ԱԺ փոխնախագահի` ընդդիմության պատկանող աթոռը հենց իրեն է բաժին հասնելու։

«Չասեմ այս պահին։ Վերջնական որոշում կկայացնենք, հայտարարությամբ հանդես կգանք։ Եկեք այս պահին ձեռնպահ մնանք անուններ հնչեցնելուց»,– ասաց Սաղաթելյանը։

Փոխարենը «Հայաստան» դաշինքի թեկնածուն նշեց, որ «Պատիվ ունեմ»–ի հետ ունեն վճռական որոշում` ակտիվ օրենսդրական գործունեություն ծավալելու։ Առաջին օրենսդրական նախաձեռնություններից են լինելու պատգամավորական գործունեության համար ավելացրած գումարները դարձյալ նվազեցնելն ու կառավարական առանձնատների համակարգը վերացնելը։

«Մենք գտնում ենք, որ, այո՛, պատգամավորական գործունեության համար այդ 250 000 դրամների անհրաժեշտությունը կա, և շատերը դրա կարիքն, իրոք, ունեն։ Բայց այստեղ կորչում է արդարության գաղափարը։ Նույն տրամաբանությամբ դրա կարիքն այսօր ունեն զինվորականները, բժիշկները, ուսուցիչները և այլք։ Հրատապ խնդիրն այս օրերին ԱԺ պատգամավորների աշխատավարձերի խնդիրը չէր»,– ասաց Սաղաթելյանը։

Ինչ են պատրաստվում անել ԲՀԿ–ն և ԼՀԿ–ն խորհրդարանից դուրս

Ինչ վերաբերում է կառավարական ամառանոցներին, դրանք «Հայաստան» դաշինքի համոզմամբ, պետք է վերացվեն իբրև պաշտոնյաների կեցավայր, քանի որ դրանք կարելի է շատ ավելի արդյունավետ օգտագործել, օրինակ` որպես զինվորների վերականգնողական կենտրոն։

«Ժողովրդի անունից խոսող, ժողովրդի ծոցից դուրս եկած իշխանությունները թող գնան և ապրեն իրենց նախկին բնակարաններում, խնայեն պետական միջոցները»,– ասաց նա։

Հիշեցնենք` «Հայաստան» դաշինքն ապագա խորհրդարանում 29 մանդատ է ստանալու, որից մեկը` ազգային փոքրամասնության ներկայացուցչի` ասորական համայնքի անդամ Զեմֆիրա Միրզոևայի համար։

Ըստ թեմայի

«Խորհրդարանում օր ու արև չենք տալու այս իշխանություններին». Իշխան Սաղաթելյան
Խորհրդարանական կառավարման համակարգն այս պահին չի աշխատում. Ավետիսյան
Հայաստանի խորհրդարանը լուռ ու միաձայն ընդունեց աղմկահարույց օրինագծերը
թեգերը:
Իշխան Սաղաթելյան, խորհրդարան, փոխխոսնակ, «Հայաստան» դաշինք

Գլխավոր թեմաներ