17:39 19 սեպտեմբերի 2017
Ուղիղ եթեր
Турция и Европейский союз

Եվրոպացիները Թուրքիային կասկածում են ԻԼԻՊ-ի հետ համագործակցության մեջ

© Мodelinvest
Մամուլի կենտրոն
Ստանալ կարճ հղումը
89 0 0

Եվրոպացիները համաձայն չեն այն կարծիքի հետ, որ Թուրքիան ակտիվ պայքար է մղում ԻԼԻՊ-ի դեմ, նրանք կարծում են, որ այդ երկիրն աչք է փակում Սիրիայում ԻԼԻՊ-ի հետ նավթի առևտրի վրա

ԵՐԵՎԱՆ, 25 փետրվարի — Sputnik, Sputnik-ի մամուլի կենտրոն. Sputnik.Կարծիք հարցման տվյալների համաձայն` ֆրանսիացիների 72%-ը կարծում է, որ Թուրքիան աչք է փակում Սիրիայում ԻԼԻՊ-ի հետ նավթի առևտուր անող թուրքերի գործունեության վրա: Գերմանացիների կեսից ավելին (52%), ամերիկացիների 38%-ը և անգլիացիների 41%-ը համաձայն է, որ ահաբեկիչների հետ նավթի վաճառքը թուրքական իշխանության թույլտվությամբ է իրականացվում:

Sputnik միջազգային տեղեկատվական գործակալության և ռադիոկայանի համար հարցումը Գերմանիայում անցկացրել է հայտնի բրիտանական Populus հետազոտական ընկերությունը, Ֆրանսիայում` Ifop ընկերությունը:

«Թուրքիան ակտիվ պայքար է մղում ԻԼԻՊ-ի նման ահաբեկչական խմբավորումների դեմ» պնդմանը ֆրանսիացիների 59%-ը բացասական է պատասխանել և չի համաձայնել այս կարծիքի հետ: Գերմանիայում այս պնդմանը դեմ մարդկանց թիվը գերազանցում էր այն մարդկանց քանակը, ովքեր համաձայն են` 36%-ը 26%-ի դեմ: Մեծ Բրիտանիայում կարծիքները հավասար են կիսվել` 23% կողմ և 23% դեմ: Իսկ ԱՄՆ-ում մարդկանց 30%-ը համաձայն է այս պնդման հետ, իսկ 17%-ը համաձայն չէ:

ԱՄՆ-ում, Մեծ Բրիտանիայում ու Գերմանիայում հարցումն անցկացվել է 2016 թվականի փետրվարի 3-4-ը Populus հետազոտական ընկերության կողմից` Sputnik լրատվական գործակալության համար: Ֆրանսիայում հարցումն անցկացվել է Ifop ընկերության կողմից 2016 թվականի փետրվարի 3-5-ը: Ընտրանքն իրականացվել է ըստ հարցվածների սեռի, տարիքի ու բնակության վայրի: Տվյալների վստահության միջակայքը տատանվում է +/- 3,1%-ի սահմաններում` 95% վստահության հավանականության դեպքում:

Եվրոպացիները Թուրքիային կասկածում են ԻԼԻՊ-ի հետ համագործակցության մեջ
© Sputnik/
Եվրոպացիները Թուրքիային կասկածում են ԻԼԻՊ-ի հետ համագործակցության մեջ

«Sputnik.Կարծիք» նախագծի մասին

Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Որպես գործընկեր հանդես են եկել Populus և Ifop հայտնի հետազոտական ընկերությունները։ Ifop-ը ֆրանսիական ընկերություն է, որը զբաղվում է հասարակական կարծիքի հարցումներ անցկացնելով: «Ռոսիա սեգոդնյա» ՄԼԳ-ի «Sputnik.Կարծիք» նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։

Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն մասնաճյուղերով։ Sputnik-ն ընդգրկում է կայքեր, անալոգային և թվային ռադիոհեռարձակում, բջջային հավելվածներ և էջեր սոցցանցերում։

 

 

Գլխավոր թեմաներ