15:42 25 սեպտեմբերի 2017
Ուղիղ եթեր
Павильон международного информационного бренда Sputnik

Նիդեռլանդների բնակչության մեկ երրորդը չի ցանկանում Ուկրաինային տեսնել ԵՄ–ի կազմում

© Sputnik/ Алексей Даничев
Մամուլի հաղորդագրություններ
Ստանալ կարճ հղումը
28 0 0

Նիդեռլանդներում հանրաքվե է անցկացվելու Ուկրաինայի և ԵՄ-ի քաղաքական ու տնտեսական ասոցիացիայի վերաբերյալ, ինչը անհրաժեշտ քայլ է ԵՄ լիարժեք անդամ դառնալու համար

ԵՐԵՎԱՆ, 5 ապրիլի — Sputnik. Sputnik.Կարծիք նախագծի անցկացրած հարցումը ցույց է տվել, որ Նիդեռլանդների բնակչության մեկ երրորդը (33%) դեմ է Ուկրաինայի և ԵՄ-ի քաղաքական ու տնտեսական համագործակցությանը։ Սրանք Populus ընկերության անցկացրած հարցախույզի արդյունքներն են։

Նիդեռլանդներում հանրաքվե է անցկացվելու Ուկրաինայի և ԵՄ-ի քաղաքական ու տնտեսական ասոցիացիայի վերաբերյալ, ինչը անհրաժեշտ քայլ է ԵՄ լիարժեք անդամ դառնալու համար։ Sputnik-ի հարցման տվյալների համաձայն` Նիդեռլանդների բնակչության մեկ երրորդը` 33%-ը կամ 3.5 միլիոնը դեմ է Ուկրաինայի և ԵՄ-ի ասոցացմանը։

Մեծ է եղել նաև այն մարդկանց թիվը, ովքեր այս հարցի վերաբերյալ չեզոք դիրք ունեն կամ հստակ կարծիք չունեն (hամապատասխանաբար 28% և 20%)։ Ասոցացմանը «կողմ» մարդկանց թիվը կազմել է Նիդեռլանդների ընդհանուր բնակչության 19%-ը։

Sputnik
© Sputnik/
Հարցախույզի արդյունքները

Եվրոպայի բնակիչներն ավելի վաղ հայտնել էին, որ կողմ են տարբեր երկրներում նմանատիպ հանրաքվե անցկացնելուն։ Հարցին` «արդյոք աջակցում եք ԵՄ-ի և Ուկրաինայի միջև քաղաքական և տնտեսական ասոցիացիային», իտալացիների (66%), գերմանացիների (63%) և ֆրանսիացիների (63%) մեծ մասը պատասխանել էին, որ ցանկանում են ասոցիացիայի վերաբերյալ հարցը լուծել այլ երկրների հետ համաժողովրդական հանրաքվեի միջոցով։

Նիդեռլանդներում հարցումն անցկացրել է Populus խոշորագույն հետազոտական ընկերությունը 2016 թվականի մարտի 4-9-ն ընկած ժամանակահատվածում։ Հարցմանը մասնակցել է 18 տարեկանից բարձր 1004 քաղաքացի։ Ընտրանքն իրականացվել է ըստ հարցվածների սեռի, տարիքի, բնակության վայրի ու մասնագիտության:

Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները։ Sputnik.Կարծիք նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։

Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:

 

Գլխավոր թեմաներ