06:43 13 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Մամուլի հաղորդագրություններ

Sputnik–ն ու հայտնի երևանցիները կշրջեն իրենց մանկության բակերով

Մամուլի հաղորդագրություններ
Ստանալ կարճ հղումը
31 0 0

Sputnik Արմենիան ներկայացնում է « Իմ մանկության բակը» նոր նախագիծը, որի շրջանակում մշակույթի հայտնի գործիչները կներկայացնեն Երևանի պատմությունը` պատմելով այն բակի ու տարածքի մասին, որտեղ անցել է նրանց մանկությունը։

ԵՐԵՎԱՆ, 1 մայիսի — Sputnik. Sputnik Արմենիա տեղեկատվական գործակալությունն ու ռադիոն արվեստի գործիչների մասնակցությամբ «Իմ մանկության բակը» խորագրով նոր տեսանախագիծ է գործարկել։

Նախագծի շրջանակում առաջարկվում է շրջագայել Երևանի հին բակերով և բացահայտել երկրի անհայտ պատմությունը բանաստեղծների, երաժիշտների, նկարիչների մանկության մասին հուշերի ներքո։ Նախագծի առաջին «հերոսը» բանաստեղծ և երաժիշտ, Artsruni հայտնի խմբի հիմնադիր Վահան Արծրունին է։ Նա պատմում է Երևանի սուրբ Զորավոր եկեղեցու բակում անցկացրած իր մանկության մասին։ Արծրունուց հետո իր պատմությունը կներկայացնի երգիչ, երևանյան բալադների հայտնի կատարող Արթուր Իսպիրյանը, որին կհաջորդեն հայկական մշակույթի այլ գործիչներ։

Sputnik Արմենիայի ղեկավար Դմիտրի Պիսարենկո. «Յուրաքանչյուր բակ հին Երևանի ավանդույթների կրողն է։ Քաղաքի պատմությունը ոչ միայն ճարտարապետությունն է, այլև, առաջին հերթին, մարդիկ՝ իրենց ջերմ հուշերով, կյանքի հետաքրքրաշարժ դրվագներով և վառ տպավորություններով»։

Սոցցանցի օգտատերերը նույնպես կարող են Sputnik-ի նախագծի համահեղինակ դառնալ՝ մինչև մայիսի 12-ը տեղադրելով իրենց մանկության բակերի լուսանկարներն ու հուշերը Facebook սոցցանցում #SputnikԻմմանկությանբակը հեշթեգով։ Լավագույն պատմություններն ու լուսանկարները կհրապարակվեն կայքում, իսկ հեղինակները հուշանվերներ կստանան Sputnik-ից։

Sputnik-ը լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն: Sputnik Արմենիան գործունեությունը սկսել է 2015 թվականին և Sputnik միջազգային նախագծի մի մասնիկն է կազմում։

Գլխավոր թեմաներ