03:57 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Ты супер!

Sputnik-ը պարգևատրել է «Ты супер!» նախագծի՝ ԱՊՀ և Բալթյան երկրների մասնակիցներին

НТВ
Մամուլի հաղորդագրություններ
Ստանալ կարճ հղումը
27 0 0

Պարգևները տաղանդավոր երեխաներին է հանձնել Sputnik-ի գլխավոր խմբագիր Մարգարիտա Սիմոնյանը։

ԵՐԵՎԱՆ, 26 մայիսի, Sputnik — Sputnik տեղեկատվական գործակալությունը հատուկ մրցանակներ է պատրաստել ՆՏՎ-ով ցուցադրվող «Ты супер!» երաժշտական մրցույթի՝ ԱՊՀ և Բալթյան երկրների երգիչներին։

11 երկրի երեխաները (նրանցից ամենափոքրը 8 տարեկան է, ամենամեծը՝ 18) Սև ծովի ափին գտնվող «Օրլյոնոկ» համառուսական մանկական կենտրոնում հանգստանալու հնարավորություն ստացան։ Sputnik-ի մրցանակներից մեկն էլ ռուսաց լեզվի առցանց դասընթացներ անցնելու հավաստագիրն էր։

Այդ հավաստագրից կստանան 15-ամյա Սաբինա Մանվելյանը, 17-ամյա Փարվանա Ալջանովան և 13-ամյա Նանա Վարձելաշվիլին։ ԱՊՀ և Բալթյան երկրների բոլոր մասնակիցներին (մինչ նրանց չափահաս դառնալը) Sputnik-ն ամեն ամիս կրթաթոշակ կտա ստեղծագործական զարգացման համար։ Ավելի ուշ Sputnik-ը կօգնի տաղանդավոր երեխաներին ընդունվել ռուսական բուհեր, որտեղ նրանք կշարունակեն կատարելագործել իրենց երաժշտական տաղանդը։

Sputnik տեղեկատվական գործակալության և ռադիոյի գլխավոր խմբագիր Մարգարիտա Սիմոնյան. «Մենք բոլորս դեռ դպրոցից հիշում ենք, որ գեղեցկությունը կփրկի աշխարհը, բայց ես կարծում եմ, որ աշխարհը կփրկի բարությունը։ Մենք տեսանք՝ ինչպես այս մրցույթի ընթացքում տարբեր երկրներից եկած երեխաներն ընկերացան՝ Հայաստանից և Ադրբեջանից եկած աղջիկները, ուկրաինացի երեխաները։ Հենց սրա համար է նախագիծը։ Եվ ես շնորհակարություն եմ հայտնում Հայրենիքիս, որ այն այդպիսին է, որ մենք մերոնց չենք լքում։ Մենք բոլորս սուպեր ենք»։

Sputnik տեղեկատվական գործակալությունը և ռադիոն «Ты супер!» նախագծի գործընկերն է։ Sputnik-ը տաղանդներ է փնտրել Աբխազիայում, Ադրբեջանում, Հայաստանում, Բելառուսում, Վրաստանում, Ղազախստանում, Ղրղըզստանում, Մոլդովայում, Էստոնիայում և Հարավային Օսեթիայում։ «Ты супер!» նախագծի մեկնարկի պահից Sputnik-ը հետևում էր ԱՊՀ և Բալթյան երկրների մասնակիցների ճակատագրին, ու նաև հիմա է շարունակում պատմել մասնակիցների հաղթանակների մասին իր կայքերում, սոցիալական էջերում և ռադիոյի եթերում։

Sputnik-ը տեղեկատվական գործակալություն է և ռադիո` տասնյակ երկրներում մուլտիմեդիոն ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով: Sputnik.Կարծիք նախագծի շրջանակում պարբերաբար հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։ Sputnik Արմենիան գործունեությունը սկսել է 2015 թվականին և Sputnik միջազգային նախագծի մի մասնիկն է կազմում։

ՆՏՎ-ն Ռուսաստանի խոշորագույն ոչ պետական հեռուստաընկերություններից է, գործում է 1993թ-ի հոկտեմբերից և ընդգրկված է ռուսական հեռուստաշուկայի առաջատար հեռուստաընկերությունների եռյակում: ՆՏՎ-ն հեռարձակվում է ՌԴ գրեթե բոլոր շրջաններում՝ ընդգրկելով բնակչության 99,2 տոկոսը: Ռուսալեզու հանդիսատեսի համար հեռարձակվում է Ռուսաստանի սահմաններից դուրս՝ մերձավոր արտասահմանի, Եվրոպայի և Մերձավոր Արևելքի երկրներում, ինչպես նաև Հյուսիսային Ամերիկայում և Ավստրալիայում: ՆՏՎ-ն ունի երկու միջազգային տարբերակ՝ ՆՏՎ աշխարհ և ՆՏՎ Ամերիկա:

Հիմնադրման պահից ՆՏՎ-ն հաջողությամբ ստեղծում և զարգացնում է հեռուստատեսային կարևոր ժանրեր։ Ալիքի ծրագրերի շարքում ավանդաբար առաջատար դիրք են զբաղեցնում լրագրողական հետաքննությունները, հասարակական նշանակություն ունեցող թեմաների շուրջ բանավեճերը։ Առաջին հերթին, նորություններն ու վերլուծությունները ՆՏՎ-ի հեռարձակման հիմքն են կազմում։ ՆՏՎ-ի պրոֆեսիոնալ կազմը ճանաչվել է Ռուսաստանում և ամբողջ աշխարհում։ Ամեն տարի թղթակիցները, մեկնաբաններն ու ՆՏՎ-ի հաղորդավարները կառավարական և լրագրողական բարձր պարգևների են արժանանում։ Ժամանցային նախագծերը` հայրենական արտադրության սերիալներն ու ֆիլմերը, սոցիալական և ժամանցային ծրագրերը, խաղարկային շոուները բազմիցս արժանացել են հեղինակային մրցանակների։

Գլխավոր թեմաներ