ԵՐԵՎԱՆ, 20 մարտի — Sputnik. Sputnik միջազգային տեղեկատվական գործակալությունը և ռադիոն մեկնարկում է SputnikPro կրթական ծրագիրը, Հայաստանում վարպետության դասը տեղի կունենա ապրիլի 10-ին Sputnik Արմենիա մուլտիմեդիոն մամուլի կենտրոնում։
SputnikPro-ի ընթացքում շնորհանդեսներ և վարպետության դասեր են անցկացնում ռուսական լավագույն մեդիամենեջերներն ու առաջատար մասնագետները, որոնք ԶԼՄ-ներում աշխատելու վիթխարի փորձ ունեն։ Ծրագիրը լրագրողներին է ներկայացնում ժամանակակից մուլտիմեդիոն լրատվական գործակալության չափանիշները և աշխատանքի տեխնոլոգիաները։ Վարպետության դասընթացների առաջին շարքը տեղի է ունեցել Մինսկում, երկրորդը` Թբիլիսիում, այնուհետև SputnikPro-ն կգա Երևան։
«Մինչ օրս նախկին ԽՍՀՄ երկրներում լրագրողների հետ շփվել են միայն արևմտյան մեր գործընկերները` գործակալությունները և հիմնադրամները, որոնք զբաղվում են այսպես կոչված ժողովրդական արժեքների առաջխաղացմամբ։ Մենք չենք պատրաստվում ոչինչ պարտադրել, մեզ համար սա նման է վաղուց չհանդիպած ընկերների հավաքի, որոնք իրենց լավ են զգում ընդհանուր սեղանի շուրջ, յուրաքանչյուրն իր կյանքն ունի, բայց խոսելու թեմաներ կան», — ասել է Sputnik-ի գլխավոր խմբագիր Մարգարիտա Սիմոնյանը։
Sputnik-ի և «Ռոսիա սեգոդնյա» ՄՏԳ-ի ներկայացուցիչները կխոսեն իրենց փորձի մասին, որը կարող է հետաքրքրել ռուսալեզու լրագրողներին։ Մրցակից պարբերականների լրագրողները կարող են օգտակար գիտելիքներ ստանալ, ինչը շատ կարևոր է նաև Sputnik-ի համար. մրցակցությունը գործակալությանը ստիպում է ավելի արագ զարգանալ։
SputnikPro ծրագրում խոսնակներ ներգրավված են «Ռոսիա սեգոդնյա» ՄՏԳ-ի գլխավոր խմբագրի տեղակալ, Մոսկվայի պետական համալսարանի լրագրության նոր մեդիա ֆակուլտետի ամբիոնի դասախոս Նատալյա Լոսևան, «Ռոսիա սեգոդնյա» ՄՏԳ-ի պետական ինտերնետային նախագծերի տնօրինության տնօրեն Իրինա Կեդրովսկայան, «Ռոսիա սեգոդնյա» ՄՏԳ-ի կրթական ծրագրերի ղեկավար Օլեգ Շչեդրովը, «Ռոսիա սեգոդնյա» ՄՏԳ-ում օնլայն պարբերականների ֆոտոծառայության ղեկավարի տեղակալ Սվետլանա Սվիյազովան, «Ռոսիա սեգոդնյա» ՄՏԳ-ի միջազգային մուլտիմեդիոն մամուլի կենտրոնի ղեկավար Օլգա Կոլևան և «Ռոսիա սեգոդնյա» ՄՏԳ-ի խորհրդական Սվետլանա Բաբաևան։
Sputnik-ը լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
