10:00 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Ալեքսեյ Ֆիլիպովսկի

Հայաստանի մեդիամենեջերները կհանդիպեն առցանց նորարարական տեխնոլոգիաների գծով մասնագետի հետ

© Sputnik /
Մամուլի հաղորդագրություններ
Ստանալ կարճ հղումը
18 0 0

Երևանում մեդիամենեջերների հետ կշփվեն ԶԼՄ–ների համար նորարարական առցանց տեխնոլոգիաների ոլորտում մասնագիտացած հայտնի մասնագետ Ալեքսեյ Ֆիլիպովսկու հետ։

ԵՐԵՎԱՆ, 25 հունիսի — Sputnik. Sputnik միջազգային լրատվական գործակալությունն ու ռադիոկայանը հունիսի 29-ին, ժամը 12:00–ին Sputnik Արմենիա մուլտիմեդիոն մամուլի կենտրոնում կկազմակերպեն SputnikPro ծրագրի նոր մոդուլը։

«Ռոսիա սեգոդնյա» ՄՏԳ առցանց տեխնոլոգիաների կենտրոնի ղեկավար Ալեքսեյ Ֆիլիպովսկին կհանդիպի հայկական առաջատար ԶԼՄ–ների, առցանց պարբերականների և լրատվական առցանց պորտալների խմբագիրների հետ։ Հանդիպման մասնակիցները ինտերակտիվ շփման ձևաչափով փորձի փոխանակում կիրականացնեն և կքննարկեն «Կայքի անատոմիա. CMS, լեզուներ, ֆրեյմվորք։ Ինչպես են աշխատում web-տեխնոլոգիաները» թեման։

Ալեքսեյ Ֆիլիպովսկին այսօր «Ռոսիա սեգոդնյա» ՄՏԳ–ում մեդիապրոդուկտներ և սերվիսներ է մշակում կոնտենտի համար։ Նա է իրականացրել Ria.ru կայքի դիզայնի փոփոխությունը, ինչպես նաև web տեխնոլոգիաների թարմացումը, ինչի արդյունքում ռեսուրսի դիտումների քանակը հասել է օրական 4.5 միլիոնի։ Ռեսուրսն այժմ անձամբ է հարմարվում այցելուների որոնումներին և թույլ տալիս վիջեթների և չատերի հարմարավետ համակարգի օգնությամբ միաժամանակ հետևել տարբեր սյուժեներին։

«Ժամանակները փոխվում են։ Տրաֆիկն ու լսարանն այսօր ստիպված է մրցել IT ընկերությունների հետ», – ասում է Ալեքսեյ Ֆիլիպովսկին։

Ալեքսեյ Ֆիլիպովսկին մոտ 10 տարի է` աշխատում է մեդիաոլորտում։ Կարիերան սկսել է ՎԳՏՌԿ–ից։ Եղել է խմբագիր, այնուհետև «Վեստիի» միջազգային բաժնի ղեկավար։ 2016 թվականից աշխատում է «Ռոսիա սեգոդնյա» ՄՏԳ–ում։ Ղեկավարել է Ria.ru–ի smm–ուղղությունը, հետո գլխավորել է կայքի մեդիաարտադրանքի բաժինը։

SputnikPro–ն միջազգային նախագիծ է լրագրողների, պրոֆիլային բուհերի ու մամուլի ծառայությունների աշխատակիցների համար։ Ուղղված է լրագրողների միջև միջազգային ու միջմշակութային կապերի զարգացմանը։ SputnikPro միջազգային նախագիծը մեկնարկել է 2018 թվականի մարտին Մինսկում, իսկ նույն թվականի ապրիլին առաջին անգամ անցկացվեց Երևանում։ Այսօրվա դրությամբ SputnikPro–ն հաջողությամբ անցկացվել է մի շարք երկրներում և արժանացել մեդիահանրության բարձր գնահատականին։

Հայաստանում SputnikPro–ն անցկացվում է 8-րդ անգամ։ Նախագծին մասնակցելն անվճար է։

Sputnik-ը լրատվական գործակալություն և ռադիոկայան է` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 32 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն տարբերակներով:

Sputnik տեղեկատվական ռեսուրսների լսարանն ամսական ավելի քան 60 միլիոն է կազմում, Վեյբոյում Sputnik China–ի էջի բաժանորդների թիվը գրեթե հասնում է 9 միլիոնի։ Ամբողջ աշխարհում`Պեկինից Մոնտենեգրո, սփռված խմբագրական 22 կենտրոնում աշխատում են տասնյակ ազգությունների ավելի քան հազար մարդ։ Sputnik–ն ընդգրկված է «Ռոսիա սեգոդնյա» մեդիախմբում։ Sputnik–ի գլխավոր գրասենյակը գտնվում է Մոսկվայում։

Գլխավոր թեմաներ