13:18 19 օգոստոսի 2017
Ուղիղ եթեր
Թևան Պողոսյան

Նստեք մեքենա, եկեք Արցախ, ինքներդ համոզվեք

© Личная страница в Фейсбуке
ՌԱԴԻՈ
Ստանալ կարճ հղումը
27 0 0

Լեռնային Ղարաբաղը նշում է անկախության 25-ամյակը։ ՀՀ Ազգային ժողովի պատվիրակությունը մասնակցում է Ղարաբաղում անցկացվող միջոցառումներին։ ՀՀ ԱԺ պատգամավոր Թևան Պողոսյանը Sputnik Արմենիայի եթերում խոսում է տոնական միջոցառումների, արցախցիների տրամադրության ու տրամադրվածության մասին։

Թևան Պողոսյանի խոսքով` Արցախում տրամադրությունը տոնական է, արդեն մի շարք միջոցառումներ են անցկացվել և դեռ նոր միջոցառումներ են լինելու։

«Այժմ մենք մասնակցում ենք քայլերթի, գնում ենք դեպի Անհայտ զինվորի հուշարձան, այնուհետև ծաղիկներ ենք դնելու Արցախի հերոսամարտի հերոսների շիրիմներին, որից հետո պատվիրակությունը կմեկնի առաջնագծի տարբեր դիրքեր` տեսնելու կատարված աշխատանքը։ Վաղը նոր թաղամասի բացում է լինելու։ Միջոցառումներ շատ կան քաղաքում, և աշխարհի տարբեր ծայրերից եկած մեր հայրենակիցներն ու նաև արտասահմանցիները, տարբեր երկրների պատգամավորները, նախկին դեսպաններն այցելել են Ստեփանակերտ` շնորհավորելու արցախցիների տոնը»,- ասաց Պողոսյանը։

Նրա խոսքով` Արցախի անկախության ճանաչման վերջնական նշանակությունը լինելու է այն, որ 1991 թվականին ընտրված մարտավարությունը` հասնել միացման գաղափարին, հնարավորություն կընձեռի դա անել այնպես, որ միջազգային հանրության մոտ որևէ սխալ ընկալում չլինի։

«Արցախն ապացուցելու է, որ կարևոր միավոր է, ունակ է պաշտպանելու սեփական շահերը, հուսով եմ, որ դրանից հետո մենք կտեսնենք նաև միացման երազանքի կատարումը»,- ասաց Պողոսյանը։

Նա զարմանքով խոսեց նաև այն մասին, որ վերջին ամսվա ընթացքում կատարված աշխատանքներից հետո կրկին բարձրացվում է հողերի վերադարձի հարցը։

«Արցախում բոլորն իրենց ամենօրյա աշխատանքով ապացուցում են, որ ոչ մի թիզ հող չենք հանձնելու,- ասաց նա և բոլոր նրանց, ովքեր որևէ մտավախություն ունեն այդ կապակցությամբ, հորդորեց գալ Արցախ։- Նստե՛ք մեքենա, եկե՛ք Արցախ, ինքներդ համոզվեք, որ մտավախություններն անիմաստ են»։

Գլխավոր թեմաներ