Հմայակ Հովհաննիսյան
Քաղաքագետ Հմայակ Հովհաննիսյանը վստահ է, որ ԱՄՆ-ի նախագահ դառնալուց հետո Դոնալդ Թրամփը շահագրգռված կլինի Մերձավոր Արևելքում քրիստոնյաների անվտանգությունը պաշտպանելու հարցում։
Ըստ քաղաքագետի՝ Թրամփն այդ մասին բազմիցս ասել է նախընտրական պայքարի ընթացքում, նաև պատրաստակամություն է հայտնել գործակցելու Ռուսաստանի հետ, որպեսզի համատեղ ուժերով խաղաղություն հաստատեն այդ տարածաշրջանում։
Հմայակ Հովհաննիսյանն անդրադարձավ նաև այն փաստին, որ քարոզարշավի ժամանակ ԱՄՆ-ի նախագահ Թրամփը Հայոց ցեղասպանությունը ճանաչելու մասին ակնարկ չարեց։ Նա կարծում է՝ դա դեռ չի նշանակում, որ Թրամփը չի անդրադառնա ճանաչման հարցին։
Հիշեցնենք՝ հայ համայնքի ձայները ստանալու համար ԱՄՆ նախագահի թեկնածուներից շատերն են արծարծել այդ հարցը, սակայն ընտրվելուց հետո չեն անդրադարձել դրան։
