ԵՊԲՀ ռեկտոր Արմեն Մուրադյանը Sputnik Արմենիայի եթերում խոսում է այս երևույթի դրական և բացասական կողմերի մասին, ներկայացնում, թե հեշտացված կարգով իրենց բուհ ընդունված ուսանողների որ մասն է կարողանում հետագայում շարունակել ուսումը:
«Ժամանակակից կրթական ծրագրերը՝ կրեդիտային համակարգով, լիարժեք չեն համապատասխանում բժշկական կրթությանը: Մենք այդ առումով դիմել ենք համապատասխան ատյանների, որպեսզի վերանայեն այս խնդիրը: Դրան զուգահեռ, բժշկական համալսարանում կտրուկ խստացվել է ուսումնական պրոցեսը, վերացվել է ցանկացած միջամտություն»,- ասաց Արմեն Մուրադյանը:
Նրա խոսքով՝ ցանկացած ուսանող պետք է հասկանա, որ իրական քննությունը ոչ թե լսարանում է, այլ հիվանդասենյակում, երբ մարդը նայում է նրա աչքերի մեջ և օգնություն ակնկալում: Իսկ այդ կարևոր «քննությունը» լավ հանձնելու համար տարիներով պիտի աշխատել:
