15:50 23 օգոստոսի 2017
Ուղիղ եթեր
Բագրատ Էստուկյան
Aravot

Ստամբուլում հարգանքի տուրք են մատուցել ցեղասպանության զոհերի հիշատակին

ՌԱԴԻՈ
Ստանալ կարճ հղումը
16 0 0

«Ակոս» թերթի հայկական տարբերակի խմբագիր Բագրատ Էստուկյանը Sputnik Արմենիային ներկայացրել է այն միջոցառումները, որոնք տեղի են ունեցել Ստամբուլում՝ Հայոց ցեղասպանության 102-րդ տարելիցի կապակցությամբ։

Ինչպես աշխարհի շատ վայրերում, Ստամբուլում նույնպես ապրիլի 24-ին հարգանքի տուրք են մատուցում 1915 թվականի Հայոց ցեղասպանության զոհերի հիշատակին, չնայած, որ թուրքական իշխանությունն ուժեղացնում է հսկողությունը, և կազմակերպվում են հայերի ակցիաներին դեմ հանրահավաքներ, նշեց «Ակոս» թերթի հայկական տարբերակի խմբագիր Բագրատ Էստուկյանը։

Նա անդրադարձավ նաև Թուրքիայի ընդդիմադիր Ժողովրդադեմոկրատական կուսակցության անդամ, Խորհրդարանի հայ պատգամավոր Կարո Փայլանի ներկայացրած՝ 1915թ.-ին Օսմանյան կայսրության տարածքում հայ բնակչության բռնի տարհանման ու աքսորի հրամանագրերի ուսումնասիրության վերաբերյալ գրավոր պահանջին։

Կարո Փայլանը խնդրել է հրապարակել այն ժամանակվա պետական պաշտոնյաների անունները, որոնք պատասխանատու են անմեղ մարդկանց զոհվելու համար:

Բագրատ Էստուկյանը կասկածում է, որ թուրքական իշխանությունը կհամարձակվի գնալ այդ քայլին։

Զրույցը վարեց Աննա Վարդանյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106):

Գլխավոր թեմաներ