Գոհար Հարությունյան
«Միսս Հայաստան 1998» տիտղոսակիր, «Միսս Հայաստան» մրցույթի կազմակերպիչ Գոհար Հարությունյանն ասում է, որ մրցույթին մասնակցել ցանկացողները կարող են գրանցվել missarmenia.org կայքում՝ ավելի ուշ քասթինգին մասնակցելու համար։
«Քասթինգները կկայանան Երևանի աղջիկների համար Երևանում, մարզերի աղջիկների համար` մարզերում, իսկ արտերկրի աղջիկները կարող են այդ փուլերն անցնել առցանց։ Արտերկրից ու մարզերից ժամանած աղջիկները վերջին 2 շաբաթում կբնակվեն կազմկոմիտեի կողմից տրամադրած հյուրանոցում»,-ասաց Գոհար Հարությունյանը։
Հարությունյանի խոսքով` նախընտրական փուլերը լինելու են փակ` առանց տեսաձայնագրման, դիմումները տեսնելու են միայն կազմկոմիտեի անդամները։
