Միքայել Գաբրիելյան
Հանրապետության գլխավոր թունաբան Միքայել Գաբրիելյանը խորհուրդ է տալիս ձեռնպահ մնալ սունկ հավաքելու ու հատկապես դրանք սննդի մեջ օգտագործելու գայթակղությունից։ Առատ անձրևներն այս տարի մեծ քանակությամբ սնկերի աճի առիթ են դարձել։ Այս հանգամանքն անհանգստացնում է մասնագետին։
«Խորհուրդ եմ տալիս ինքնուրույն սունկ չհավաքել, չուտել, խուսափել նաև ճանապարհներին վաճառվող սնկերը գնելուց։ Ամենից անվտանգը խանութում վաճառվող սունկն է։ Հատկապես շամպինիոնը։ Այն երբեք թունավոր չի լինում»,– Sputik Արմենիա մամուլի կենտրոնում հրավիրված ասուլիսում ասաց հանրապետության գլխավոր թունաբան Միքայել Գաբրիելյանը։
Նա նաև նշեց, որ այս տարի սնկից թունավորման դեպքեր առայժմ չեն գրանցվել։
