06:43 21 օգոստոսի 2017
Ուղիղ եթեր
Սուրեն Հովսեփյան
© Sputnik/ Asatur Yesayants

Ինչո՞ւ կարկուտը կրկին ծնկի բերեց գյուղացուն

ՌԱԴԻՈ
Ստանալ կարճ հղումը
5520

Այն, որ կարկտային ամպերը ցրելու նոր եղանակների կարիք կա, չեն հերքում նաև արտակարգ իրավիճակների նախարարությունից: Մտածել են անցնել հակակարկտային հրթիռային կայանների գործարկման: Ի՞նչ է սա ենթադրում, և ինչո՞ւ վերջին կարկուտն էլի ծնկի բերեց գյուղացուն` չնայած կայանների առկայությանը։

Sputnik Արմենիայի եթերում այս հարցերին է պատասխանում ԱԻՆ «Հիդրոօդերևութաբանության և մթնոլորտային երևույթների վրա ակտիվ ներգործության ծառայություն» ՊՈԱԿ-ի տնօրենի տեղակալ, «ՄԵՎԱՆ» կենտրոնի պետ Սուրեն Հովսեփյանը։

Նրա խոսքով` կարկուտի դեմ պայքարի գործող մեթոդն արդյունավետ է, բայց միայն այն դեպքում, եթե ճիշտ է կիրառվում։

Այսօր կա 546 գազագեներատորային հակակարկտային կայան, որոնք տեղադրված են ՀՀ տարբեր մարզերում։ Հովսեփյանի խոսքով` պետական ծրագրով տեղադրված կայանները հիմնականում տեղակայված են սահմանամերձ գոտում, և տարիների ընթացքում ապացուցվել է դրանց արդյունավետությունը։ Ըստ նրա` անկանոն տեղադրված կայանները, բնականաբար, արդյունավետություն չեն կարող ապահովել։

«Պատկերացրեք` 2-3 հակակարկտային կայան են տեղադրում ինչ-որ համայնքում և լուրեր են տարածում, որ դրանք պաշտպանում են ամբողջ համայնքի գյուղնշանակության հողատարածքները։ Այդպես չէ։ Սխալ տեղակայման դեպքում դրանք ոչ մի արդյունավետություն չեն կարող ապահովել»,- ընդգծեց Հովսեփյանը։

Գլխավոր թեմաներ