11:26 22 օգոստոսի 2017
Ուղիղ եթեր
Սոնա Հովհաննիսյան
© Sputnik/ Asatur Yesayants

«93-ամյա» նվագախմբի համերգը երաժշտական տոն կլինի հայ ունկնդրի համար

ՌԱԴԻՈ
Ստանալ կարճ հղումը
12 0 0

«Երևանյան հեռանկարներ» միջազգային երաժշտական փառատոնի շրջանակում «Արամ Խաչատրյան» համերգասրահում հանդես կգա Չայկովսկու անվան սիմֆոնիկ նվագախումբը՝ աշխարհահռչակ դիրիժոր, 85-ամյա Վլադիմիր Ֆեդոսեևի ղեկավարությամբ:

«Երևանյան հեռանկարներ» փառատոնի գլխավոր մենեջեր Սոնա Հովհաննիսյանը Sputnik Արմենիայի եթերում խոսում է Չայկովսկու անվան սիմֆոնիկ նվագախմբի և ընդհանրապես նվագախմբեր հյուրընկալելու փորձառության մասին։

Այս նվագախումբը մեր նորագույն պատմության մեջ առաջին անգամ է այցելում Հայաստան։ 1974 թվականից ի վեր այդ նվագախմբի գեղարվեստական ղեկավարն ու դիրիժորը Վլադիմիր Ֆեդոսեևն է։

Հովհաննիսյանի խոսքով` 93 տարվա պատմություն ունեցող նվագախմբին Հայաստանում հյուրընկալելը «Երևանյան հեռանկարներ» փառատոնի համար մեծ պատիվ է։

«Ընդհանարապես նվագախումբ հյուրընկալելը մեծ մեխանիզմ է, լուրջ ինստիտուտ, որը տարիների ընթացքում ձևավորվել է Հայաստանում և հարևան երկրների համար մեծ խթան է դարձել։ Այժմ նրանք էլ են փորձում այդ ինստիտուտը ձևավորել իրենց երկրներում»,- ասաց Հովհաննիսյանը։

Նրա կարծիքով` Չայկովսկու անվան սիմֆոնիկ նվագախմբի համերգը երաժշտական մեծ տոն կլինի հայ ունկնդրի համար։

Գլխավոր թեմաներ