14:36 21 սեպտեմբերի 2017
Ուղիղ եթեր
Գագիկ Սուրենյան
© Sputnik/ Aram Nersesyan

Պատրաստվեք խորովվելու. շոգը կգերազանցի +40-ը

ՌԱԴԻՈ
Ստանալ կարճ հղումը
390 0 0

Իրաքից, Եգիպտոսից տաք հոսանքներ են ներթափանցում Հայաստան, շոգն ավելի կսաստկանա, Sputnik Արմենիայի հետ զրույցում ասաց ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։

Շատ շոգ է լինելու, Իրաքի տարածքի ջերմային ցիկլոնը շարժվում է դեպի հյուսիս, վաղվանից այդ ցիկլոնը կշարժվի Կովկասի ուղղությամբ, և Կովկասի ու Հայաստանի տարածքը վաղվանից մինչև օգոստոսի 7–ը գտնվելու է այդ ջերմային ցիկլոնի ազդեցության տակ, ասաց ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։

Ամենաշոգ օրերը կլինեն օգոստոսի 6–ն ու 7–ը։ Շիրակում, Կոտայքում, Գեղարքունիքում և Արագածոտնի ու Վայոց Ձորի լեռնային շրջաններում օդի ջերմաստիճանը կհասնի 36 աստիճանի։

Հայհիդրոմետ ծառայության տվյալներով` Լոռում ջերմաստիճանը կլինի 36 աստիճան, Տավուշի հովտային գոտիներում 38–40 աստիճան։

Արարատյան դաշտում և Երևանում օգոստոսի 6-ին և 7-ին ջերմաստիճանը կհասնի 41 աստիճանի, իսկ ցածրադիր վայրերում չի բացառվում, որ 42 աստիճան լինի, հայտնեց Սուրենյանը՝ նշելով, որ այդպիսի ջերմաստիճան կդիտվի նաև Մեղրիում, Ագարակում։

Զրույցն ամբողջությամբ կարող եք ունկնդրել Sputnik Արմենիա ռադիոկայանի եթերում (FM106)։

Գլխավոր թեմաներ