13:08 20 սեպտեմբերի 2017
Ուղիղ եթեր
Давид Бабаян
© Sputnik/ Asatur Yesayants

Դավիթ Բաբայան. «Լապշինի նամակը գրվել է Ադրբեջանի նախագահականում»

ՌԱԴԻՈ
Ստանալ կարճ հղումը
Ալեքսանդր Լապշին՝ հետադարձ հայացք Ադրբեջանին (26)
21310

Արցախի նախագահի մամուլի խոսնակ Դավիթ Բաբայանը Sputnik Արմենիայի հետ զրույցում համոզմունք է հայտնել, որ Ալիևին ուղղված նամակի հեղինակը ոչ թե Լապշինն է, այլ Ադրբեջանի նախագահի աշխատակազմը։

Նման նամակներ Ադրբեջանի նախագահականում հազարներով են գրվում` տարբեր մարդկանց անուններով։ Sputnik Արմենիայի հետ զրույցում անդրադառնալով Ադրբեջանի նախագահին ուղղված բլոգեր Ալեքսանդր Լապշինի նամակին`ասաց Արցախի նախագահի մամուլի խոսնակ Դավիթ Բաբայանը։

«Այս տեքստը կարելի է ստորագրել տալ ցանկացած մարդու, ով կընկնի Ադրբեջանի բարբարոսական ձեռքը։ Տանջանքների ենթարկված ցանկացած մարդ կարող է ստորագրել»,- ասել է Բաբայանը։

Բաբայանը չբացառեց, որ նամակն իրականում Լապշինը չի էլ ստորագրել։

«Այ այսպես կոչված նամակներն ու ստորագրությունները վկայում են Ադրբեջանում տիրող ոչ նորմալ վիճակը։ Մարդուն բռնել, տանջանքների ենթարկել, այնքան, որ ցանկանա ինքնասպան լինել, և հետո ստորագրել ինչ-որ նամակ, որում ասում է, թե Ղարաբաղն Ադրբեջանի հողն է»,- ասաց Բաբայանը։

Դավիթ Բաբայանը նաև համոզմունք հայտնեց, որ միջազգային հանրությունը պետք է այս դեպքից հետո Ադրբեջանի նկատմամբ համապատասխան քայլեր ձեռնարկի, մինչդեռ այս պահին միայն անտարբերություն է դրսևորում։

Հիշեցնենք` 2016թ-ի դեկտեմբերին Մինսկում ձերբակալված և Ադրբեջանին արտահանձնված բլոգեր Ալեքսանդր Լապշինը` Ադրբեջանի նախագահ Իլհամ Ալիևի կողմից ներման արժանանալուց հետո նամակով դիմել էր նրան` ներողություն խնդրելով իր հրապարակումների համար:

թեմա:
Ալեքսանդր Լապշին՝ հետադարձ հայացք Ադրբեջանին (26)

Գլխավոր թեմաներ