Սոնիկ Բաղումյան
«Մենք չպետք է շատ մեծ նշաձողեր դնենք մեզ համար»,-վերլուծելով Հայաստան-Սփյուռք համաժողովի ընթացքում քննարկված հարցերը` Sputnik Արմենիայի հետ զրույցում ասաց Բաղումյանը։
«Ինձ թվում է` որոշակի և հստակ գաղափարների, կոնկրետ աշխատանքային ծրագրերի շուրջ մեր ժողովուրդն ավելի շուտ է համախմբվում»,- նշեց նա։
Բաղումյանի համոզմամբ, Հայաստանն ու Սփյուռքը պետք է համախմբեն իրենց հնարավորությունները կոնկրետ ծրագրային գաղափարների շուրջ։
«Ոչ թե մի քանի տարին մեկ անգամ համախմբվելով գործն առաջ տանենք, այլ ամենօրյա աշխատանքով»,- ասաց նա։
Որպես առաջնահերթ ծրագրեր, իրանահայ համայնքի ներկայացուցիչը մատնանշեց կրթական, հայապահպանման ծրագրերի մշակումը։