07:27 20 հոկտեմբերի 2018
Ուղիղ եթեր
  • USD483.80
  • GBP630.39
  • EUR554.58
  • RUB7.37

Արթուր Մկրտչյան. «Ես խղճով որսորդ եմ»

ՌԱԴԻՈ
Ստանալ կարճ հղումը
74 0 0

Սպիտակագլուխ անգղերի ապօրինի որսի համար կասկածվող Շենավանի գյուղապետ Արթուր Մկրտչյանը Sputnik Արմենիայի հետ զրույցում պատմել է, թե երբ և ինչ պայմաններում է լուսանկարվել սպանված անգղերի հետ։

Լուսանկարն արվել է 2007թ–ին, Թուրքիայի սահմանին` Արմավիրի մարզի Երվանդաշատ գյուղի մոտ։ Sputnik Արմենիայի հետ զրույցում պատմեց Արմավիրի մարզի Շենավան գյուղի գյուղապետ Արթուր Մկրտչյանը։

Նրա խոսքով, այդ պահին իրենցից բացի այլ մարդիկ էլ կային հավաքված սատկած թռչունների մոտ, ովքեր էլ նկարել են իրեն ու իր ընկերներին։

Ու թեև, գյուղապետը չհերքեց, որ այդ օրն իրենք հենց որսի էին գնացել, բայց վստահեցրեց, որ սպիտակագլուխ անգղերին իրենք չեն կրակել։

«Թռչունները կրակած, գցած էին։ Մենք էլ կանգնեցինք, նկարվեցինք ու թողեցինք, գնացինք»,- ասաց նա` վստահեցնելով, որ ինքը «խղճով որսորդ է»։

«Եթե որսի սեզոն չէ, ես որսի չեմ գնա, չեմ կրակի»,- ասում է նա։

Հիշեցնենք, երեկ համացանցում լուսանկարներ էին հրապարակվել, որոնցում Շենավանի գյուղապետն ու նրա հետ ևս երկու տղամարդ ցուցադրում էին սպանված երկու սպիտակագլուխ անգղերի։

Իսկ սպիտակագլուխ անգղը վտանգված տեսակ է, գրանցված է նախկին ԽՍՀՄ-ի և Ռուսաստանի Կարմիր գրքերում: Տեսակն ընդգրկված է ԲՊՄՄ Կարմիր ցուցակում (ver. 3.1) «Least Concern» կարգավիճակով և ընդգրկված է Հայաստանի Կարմիր գրքում:

Գլխավոր թեմաներ