Միհրան Հակոբյան 2
Հայաստանն ամեն օր պետք է պատրաստ լինի մեծ մարտական գործողությունների, ասաց Հակոբյանը` հավելելով, որ պաշտպանության նախարարի առաջարկած ազգ-բանակ գաղափարին այլընտրանք չկա։
«Դա կախված չէ մեզանից, մեր վարած ներքին ու արտաքին քաղաքականությունից։ Մեր միջավայրն է այդպիսին։ Հիմա, եթե մենք ազգ-բանակ ենք ցանկանում լինել, պետք է նոր ռեֆորմների գնանք»,- ասաց նա։
Իսկ բարեփոխումները, նրա խոսքով, հիմնականում երկու բաղադրիչ ունեն` բանակը և ազգի բանակը։
«Առաջինը պաշտպանության նախարարը փայլուն կատարում է, իսկ ազգի բանակ բաղադրիչի դեպքում ոչ թե ուժայինները, այլ քաղաքացիական ոլորտի պատասխանատուները մեծ անելիքներ ունեն` սկսած տնտեսական, վերջացրած սոցիալական և բարոյահոգեբանական ոլորտներում լրջագույն բարեփոխումներից»,- ասաց Հակոբյանը։
