«Մենք ընդամենը ասում ենք՝ հիփոթեքային վարկավորման այս համակարգից, երբ պետությունը հանդես է գալիս եկամտային հարկի փոխհատուցման գործառույթով, անձը 2018 թվականի հունվարի 1-ից հետո ընկած ժամանակաշրջաններում կարող է օգտվել միայն մեկ անգամ թե՛ որպես համավարկառու, թե՛ որպես վարկառու:
Դա նշանակում է, որ եթե անձը ունի բնակարաններ, որից մեկը ժառանգել է պապից, մեկը՝ տատից, մեկն էլ ունի ու բնակվում է հորական բնակարանում, ապա ոչ մեկ չի արգելում, որ ինքը 2018 թվականի հունվարի 1-ից մեկ բնակարան էլ ձեռք բերի այս ծրագրով: Որովհետև միգուցե նա ունի 4 որդի և չորրորդ որդու բնակարանային ապահովման հարցն է լուծում: Խնդիրն այն չի, թե քանի բնակարան ունի, այլ խնդիրն այն է, թե քանի անգամ է նա օգտվել այս համակարգից»,–ասաց Անանյանը:
Փոխնախարարը նաև տեղեկացրեց, որ կատարված փոփոխությունը հետադարձ ուժ չունի, հետևաբար մինչև 2018 թվականը վարկառու կամ համավարկառու հանդես եկած անձինք կարող են ազատորեն օգտվել այս համակարգից:
