10:19 14 դեկտեմբերի 2017
Ուղիղ եթեր
Նիկոլայ Գրիգորյան
© Sputnik/ Asatur Yesayants

Գրիգորյան. «Անզեն դուրս էինք եկել այնպիսի սարսափելի հակառակորդի դեմ, ինչպիսին երկրաշարժն է»

ՌԱԴԻՈ
Ստանալ կարճ հղումը
32 0 0

«Արտակարգ ալիք» լրատվական կենտրոնի ղեկավար Նիկոլայ Գրիգորյանը 1988 թվականի Սպիտակի երկրաշարժից 29 տարի անց հիշում է, թե ինչ սխալներ են թույլ տվել ժամանակին։

1988 թվականին արտակարգ իրավիճակների լրատվության անգրագիտությունը նրանից էր գալիս, որ ամբողջ պետական համակարգը սովորեցված չէր արտակարգ իրավիճակին արձագանքելուն, Sputnik Արմենիային ասաց «Արտակարգ ալիք» լրատվական կենտրոնի ղեկավար Նիկոլայ Գրիգորյանը ։

«Ո՛չ պետական համակարգ կար, ո՛չ փրկարար, ո՛չ արձագանքում, և չկար արտակարգ իրավիճակների լրատվություն։ Մենք բոբիկ ու անգրագետ մտանք դաշտ ու սկսեցինք ժողովրդին լացացնել։ Սկսեցինք անել այն, ինչ չէր կարելի անել։ Ինչպե՞ս կարելի է ողբացող երեխա ցույց տալ։ Մինչև հիմա փշաքաղվում եմ, երբ հիշում եմ, թե ինչպես էր երեխան շերեփով փորում գետինը և մորը փնտրում։ Նման բան չէր կարելի»,- ասաց Գրիգորյանը։

Նրա խոսքով, արտակարգ իրավիճակների լրատվությունը պետք է լինի ոչ միայն չվնասող, այլև սպեղանի, օգնող։ Եվ անպայման լուր տալուց բացի պետք է մարդուն հույս տալ, ապրելու տենչ և տեղեկատվություն, որտեղից պետք է օգտվել։

«Աշխատում էինք սարսափելի պայմաններում։ Պատկերացրեք` անզեն, անզրահ դուրս գաս մի ահավոր հակառակորդի դեմ, ինչպիսին երկրաշարժն է, և դու ինքդ քեզ անընդհատ վնասես»,- երկրաշարժից 29 տարի անց հիշում է Գրիգորյանը։

Գլխավոր թեմաներ