Լևոն Ալթունյան
Առողջապահության նախարար Լևոն Ալթունյանը թանկացումներ չի նկատել, քանի որ տան առևտրով ինքը չի զբաղվում։
Ինչ վերաբերում է դեղերի` արդեն գրանցված և 2018-ին սպասվող թանկացումներին, նախարարը վստահեցրեց, որ դրանք հունվարի 1-ից չեն թանկանա։ Իսկ թանկացման ազդեցությունը մեղմելու համար կառավարությունը քայլեր է ձեռնարկում։
«Մենք նախաձեռնել ենք կենտրոնացված գնումների նախագիծ, որով պետական պատվերով ձեռք բերվող դեղերի գների 20-23 տոկոս իջեցում կունենանք»,- նշեց նախարարը։
Բայց դեղորայքի շուկայում թանկացման միտումը նախարարը չժխտեց։ Նրա խոսքով, դեղերի մատակարարման տենդերներում առաջիկա տարվա ընթացքում թանկացումներ արդեն նախատեսված են։
