19:51 26 ապրիլի 2018
Ուղիղ եթեր
Արագած Ախոյան
© Sputnik / Aram Nersesyan

Ախոյան. «Աթեշյանը համայնքը պառակտելու գնով հասնում է իր ուզածին»

ՌԱԴԻՈ
Ստանալ կարճ հղումը
13610

Արամ Աթեշյանը նման հայտարարություն անելու բարոյական իրավունք չունի։ Այսօր Sputnik Արմենիայի հետ զրույցում ասաց «Արևմտահայոց ազգային համագումար» կազմակերպության ազգային խորհրդի հիմնադիր անդամ Արագած Ախոյանը։

Հիշեցնենք, որ այսօր Արամ արքեպիսկոպոս Աթեշյանը Երևանում հայտարարել է, որ Պոլսո պատրիարքի ընտրություն առայժմ չի անցկացվի և թուրքական իշխանություններն ընդունում են իր՝ Պոլսո պատրիարքարանի փոխանորդությունը։

«Ինքն իրեն սկուտեղի վրա մատուցեց թուրքական իշխանություններին` Գերմանիայի Բունդեսթագի կողմից Ցեղասպանության ճանաչման մասին արտահայտվելով։ Թուրքական խորհրդարանի պատգամավորներն են անգամ ասում, որ Աթեշյանի հայտարարությունն իրենց պետք չէր։ Այսինքն` նա ուղղակի կարող էր լուռ մնալ»,–ասում է Ախոյանը։

Նրա կարծիքով` երբ Բեքչյանը ընտրվեց, ամեն ինչ խաղաղվեց, ինքը այս հանգստությունն օգտագործում է և սկսում է հայտարարություններ անել։

«Աթեշյանը համայնքը պառակտելու գնով հասնում է իր ուզածին»,–ընդգծում է Արագած Ախոյանը։

Գլխավոր թեմաներ