Վերջին երկու օրերին Իրանում իրավիճակը համեմատաբար հանգիստ է, մարել է նաև ցույցերի ալիքը։
«Իշխանությունը կարողացել է իր ձեռքը վերցնել երկրի կառավարումը, կրքերն էլ նախկին թափով չեն շարունակվում»,- ասաց Վարդանյանը։
Այդուհանդերձ, իրանագետը հիշեցրեց, որ ուրբաթ ՄԱԿ-ի Անվտանգության խորհրդի արտահերթ նիստում ԱՄՆ-ն իր աջակցությունն է հայտնել Իրանում տեղի ունեցող բողոքի ցույցերի մասնակիցներին։ «Նույնիսկ ԱՄՆ-ի մտերիմ դաշնակից Մեծ Բրիտանիան այնպիսի արտահայտություններ է ընտրել իրավիճակը բնութագրելու համար, որոնք կգոհացնեին ԱՄՆ-ին` նշելով, որ Իրանը պետք է պարզապես հարգի ՄԱԿ-ի բանաձևերն ու մարդու իրավունքները»,- ասաց Վարդանյանը։
Նա նույն հարթության վրա դիտարկեց նաև մի շարք այլ երկրների հայտարարությունները, որոնցում, մասնավորապես, ասվում էր, թե ՄԱԿ-ն այդ երկրի ներքին գործերին միջամտելու իրավունք չունի։
