Ճանաչելով Արմեն Սարգսյանին 30 տարի` Արման Կիրակոսյանը գնահատում է նրա պրոֆեսիոնալ ու մարդկային հատկանիշները։
«Վստահ կարող եմ ասել, որ նրա թեկնածությունը 4-րդ նախագահի պաշտոնում ներկայացնելը շատ ճիշտ որոշում է»,- ասում է Կիրակոսյանը։
Ըստ դեսպանի` նա իրապես կարող է իր նպաստը բերել ինչպես տնտեսության, այնպես էլ հասարակության զարգացման գործին։
Կիրակոսյանն ու Սարգսյանը ծանոթացել են 1980-ականներին։ Արմեն Սարգսյանն այն ժամանակ դասավանդում էր Երևանի և Քեմբրիջի համալսարաններում, արդեն սերտ կապեր էր հաստատել Անգլիայի գիտական և հասարակական շրջանակների, հայ համայնքի ներկայացուցիչների հետ։
Կիրակոսյանը նշում է, որ Արմեն Սարգսյանի ակտիվ գործունության արդյունքում բացվեց Մեծ Բրիտանիայում Հայաստանի դեսպանությունը։
«Որպես Բրյուսելում մեր առաքելության ղեկավար` նա իր նպաստը բերեց Եվրամիություն-Հայաստան հարաբերությունների ձևավորման գործում»,- ասում է նա։
Ըստ Կիրակոսյանի` Սարգսյանը նաև միջազգային մասշտաբի գործարար է։
