14:48 15 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Վարդան Արամյան
© Sputnik / Karen Yepremyan

Արամյան. «Ինչո՞ւ գույքահարկից ազատենք բոլորին անխտիր` անկախ սոցիալական վիճակից»

ՌԱԴԻՈ
Ստանալ կարճ հղումը
38 0 0

ՀՀ կառավարությունն այսօր մերժեց ԱԺ «Ելք» խմբակցության ներկայացրած նախագիծը, որով առաջարկվում էր գույքահարկից ազատել զինծառայողներին։ Նիստի ավարտին ՀՀ ֆինանսների նախարար Վարդան Արամյանը մեկնաբանեց կառավարության որոշումը։

Զինծառայողներին արտոնություն տալու համար գույքահարկից ազատելն այնքան էլ ճիշտ գործիք չէ։ Այսօր ՀՀ կառավարության նիստից հետո լրագրողների հետ ճեպազրույցում ասաց ՀՀ ֆինանսների նախարար Վարդան Արամյանը` մեկնաբանելով «Ելք» խմբակցության ներկայացրած նախագիծը մերժելու որոշումը:

«Ինչո՞ւ մենք գույքահարկից ազատենք բոլորին անխտիր` անկախ սոցիալական վիճակից, եկամուտներից ու ունեցվածքից», — ասաց նախարարը:

Ըստ Արամյանի` այդ քայլով կծանրաբեռնվեն Տեղական ինքնակառավարման մարմինները, որոնց համար գույքահարկը եկամտի հիմնական աղբյուրն է:

Նախարարը նաև հիշեցրեց, որ գործող օրենքն այսօր էլ գույքահարկի արտոնություն է սահմանում պարտադիր զինվորական ծառայողների համար։

«Մենք այսօրվա դրությամբ ունենք այն կարգավորումը, ըստ որի՝ խթանում ենք որակյալ սպայական անձնակազմի մուտքը ՀՀ զինված ուժեր, դրա համար գույքահարկի արտոնություն է տրվում բոլոր այն անձանց, որոնք պարտադիր զինվորական ծառայությունից հետո բարձրագույն ռազմական ուսումնական հաստատություններում կրթություն կստանան՝ սպայական անձնակազմը համալրելու համար», — նշեց Արամյանը:

Ֆինանսների նախարարը նշեց, որ արտոնություններ են սահմանված 40 միլիոն դրամը չգերազանցող, 150 ձիաուժ շարժիչի հզորություն ունեցող ավտոմեքենաների համար։

Գլխավոր թեմաներ