12:18 22 մայիսի 2018
Ուղիղ եթեր
Կորյուն Մկրտչյան
Из личного архива Корюна Мкртчяна

Մկրտչյան. «Ներկայացրինք արցախյան հիմնահարցից մինչև հայկական ծիրանաչիր»

ՌԱԴԻՈ
Ստանալ կարճ հղումը
38840

Հայաստանը խոսքի ազատության իրավունքի տեսանկյունից չի զիջում եվրոպական զարգացած երկրներին. սա փաստում են Եվրոպական կամավորների միության «ուսանողների փոխանակման» ծրագրով Ֆրանսիայի Լեման քաղաք մեկնած հայ ուսանողները :

Հայ-ռուսական համալսարանի ուսանող Կորյուն Մկրտչյանը Sputnik Արմենիայի  հետ զրույցում պատմել է, որ  տարբեր երկրների երիտասարդներին մեկտեղած ծրագրի շրջանակում ներկայացվել են խոսքի ազատության և մարդու իրավունքների պաշտպանությանն առնչվող մի շարք զեկույցներ:

«Ներկայցված փաստերի արդյունքում Հայաստանը գրավեց մասնակիցների ուշադրությունը ՝բաց հասարակության և արտահայտվելու հնարավորությունների տեսանկյունից։ Մենք եվրոպացի ընկերներին ներկայացրեցինք մեր երկրի պատմությունը ՝ Հին Հայքից մինչև Անկախ Հայաստան ու Արցախյան հիմնահարց: Ի տարբերություն մեզ, որ լավատեղյակ ենք այլ պետությունների պատմությանն ու աշխարհաքաղաքական զարգացումներին, եվրոպացի հասակակիցները Հայաստանի մասին շատ քիչ տեղեկություններ ունեին, ընդամենը այն, որ Երևանը Հայաստանի մայրաքաղաքն է»,–պատմում է Մկրտչյանը:

Հայ երիտասարդներին հաջողվել է ներկայացնել Հայաստանն այնպես, որ ծրագրի մասնակիցներն արդեն ձեռնամուխ են եղել անձնագրերում դեպի Հայաստան մուտքի վիզաներ ամրագրելու գործին: «Հայաստանի արևահամ ծիրանը, թեև չկարողացանք մեզ հետ տանել ու հյուրասիրել մեր ընկերներին, սակայն ծիրանի չիր համտեսելու հնարավորություն ընձեռեցինք նրանց», —ասում է Հայ–ռուսական համալսարանի իրավաբանական ֆակուլտետի ուսանողը:

Գլխավոր թեմաներ