Դավիթ Լոքյան
Առաջիկա ՏԻՄ ընտրություններին ՀՅԴ-ն կմասնակցի կա՛մ համայնքի ղեկավարի, կա՛մ ավագանու անդամի թեկնածուով։ Այս մասին այսօր լրագրողների հետ հանդիպմանն ասաց ՀՀ Տարածքային կառավարման և զարգացման դաշնակցական նախարար Դավիթ Լոքյանը։
«Դա մեզ համար այսօր կարևոր խնդիր է»,- ասաց նա` միաժամանակ ավելացնելով, որ ՀՅԴ-ն ինքնանպատակ թեկնածություն չի առաջադրում. համայնքի ղեկավարի թեկնածու է առաջադրում միայն այն համայնքներում, որտեղ համապատասխան անձ ունի։
Ինչ վերաբերում է իր անձի` ընտրության արդյունքների վրա հնարավոր ազդեցությանը, Լոքյանը վստահեցրեց, որ նախարարությունը միայն կազմակերպում է ընտրական պրոցեսները, բայց բուն ընտրություններին որևէ կերպ չի միջամտելու։
