20:04 23 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Վաղարշակ Հարությունյան
© Sputnik / Asatur Yesayants

Հարությունյան. «Ադրբեջանն առանց Թուրքիայի դիտարկելն միամտություն է»

ՌԱԴԻՈ
Ստանալ կարճ հղումը
11130

Հայաստանի երկու ոչ բարեկամ հարևանների` Թուրքիայի և Ադրբեջանի նվաճողական ծրագրերի ու դրանց` Հայաստանի դիմակայելու մասին ՀՀ պաշտպանության նախկին նախարար Վաղարշակ Հարությունյանն իր մեկնաբանություններն է ներկայացրել Sputnik Արմենիա ռադիոկայանի եթերում։

Ադրբեջանի միավորումը Թուրքիայի հետ տարիներով մշակված ծրագիր է։ Sputnik Արմենիայի հետ զրույցում նման համոզմունք հայտնեց ՀՀ պաշտպանության նախկին նախարար Վաղարշակ Հարությունյանը։

Նա հիշեցնում է Աթաթուրքի, նրանից հետո Դեմիրելի խոսքերն այն մասին, որ ԽՍՀՄ–ը վաղ թե ուշ փլուզվելու է, և թուրքերը միավորվելու են իրենց եղբայրների` ադրբեջանցիների հետ։

«Այս ծրագիրը ղեկավարվում է Թուրքիայի կողմից, և Ադրբեջանը որևէ քայլ չի անի առանց Թուրքիայի հետ համաձայնեցնելու»,– ասում է Վաղարշակ Հարությունյանը։

Նախկին նախարարի կարծիքով, սակայն, Թուրքիան այսօր իր ծրագիրն իրականացնելու ռեսուրս չունի` ո՛չ ռազմական, ո՛չ էլ տնտեսական։ «ԽՍՀՄ փլուզումից հետո նա փորձեց դա անել` միջին Ասիայի թուրքալեզու պետություններում, հիմա էլ փորձում է շարունակել։ Բայց վերջնական նպատակին ի վիճակի չէ հասնել»,– կարծում է Վաղարշակ Հարությունյանը։

Թուրքական այս ծրագրից, Հարությունյանի համոզմամբ, Հայաստանը ոչ թե պետք է վախենա ու անհանգստանա, այլ կարողանա ճիշտ քաղաքականություն վարել և բարձրացնել իր դերը տարածաշրջանում։

Իսկ պատերազմը չվերսկսելու հիմնական երաշխիքը պետության ռազմական բալանսի ապահովումն է, ինչը մինչև այսօր մեր երկիրը կարողացել է անել։

Գլխավոր թեմաներ