Նոտան, որ վերցրել է Բրիտանիան, շատ բարձր է։ Sputnik Արմենիայի հետ զրույցում, անդրադառնալով Մեծ Բրիտանիայի վարչապետի վերջին հայտարարություններին, ասաց Հայաստանի պետական տնտեսագիտական համալսարանի ինովացիոն և ինստիտուցիոնալ հետազոտությունների կենտրոնի ղեկավար Ատոմ Մարգարյանը` միաժամանակ համոզմունք հայտնելով, որ խնդիրը կարող է շատ լուրջ հետևանքներ ունենալ ոչ միայն երկու երկրների, այլև համաշխարհային տնտեսության վրա։
«Նավթավերամշակման, արդյունահանման, մետալուրգիական ընկերությունների բաժնետոմսերն աշխարհում արժեզրկվում են և հատկապես`ռուսաստանյան բորսաներում»,- ասաց Մարգարյանը։
Ստեղծված իրավիճակը, տնտեսագետի համոզմամբ, վնասում է նաև ռուս մեծահարուստների գործարար շահերը, որոնք ներդրումներ ունեն բրիտանական տնտեսության, բանկերի ու նույնիսկ անշարժ գույքի բնագավառում։ Բրիտանական բիզնեսն էլ իր հերթին հետաքրքրություններ ունի Ռուսաստանում։
