ՌԴ-ում անցկացված նախագահական ընտրությունները համապատասխանում են ՌԴ ստանձնած միջազգային պարտավորություններին ու ՌԴ օրենսդրությանը։ Դրանք կարելի է համարել ժողովրդավարական և լեգիտիմ։ Sputnik Արմենիայի հետ զրույցում ասաց ՀԱՊԿ խորհրդարանական վեհաժողովի դիտորդական խումբը ղեկավարած ՀՀ ԱԺ փոխնախագահ Էդուարդ Շարմազանովը։
«Կարող ենք փաստել, որ ի տարբերություն նախորդ ընտրությունների, այս ընտրություններում մեծ էր քաղաքացիների ակտիվությունը։ Եվ հենց քաղաքացիների ակտիվությունն էլ վճռորոշ եղավ արդյունքների ամփոփման ժամանակ»,- ասաց Շարմազանովը` հավելելով, որ ՌԴ գործող նախագահին իրենց ձայնը տվել է ընտրողների ավելի քան 70%-ը։
Էդուարդ Շարմազանովը հայտնեց նաև, որ ընտրությունների ընթացքում լուրջ խախտումների դեպքեր չեն ներկայացրել ո՛չ դիտորդական խմբերը, ո՛չ թեկնածուների ընտրական շտաբերը։
Շարմազանովի ղեկավարած ՀԱՊԿ խորհրդարանական վեհաժողովի դիտորդական խումբը մարտի 18-ին այցելել է Սանկտ Պետերբուրգի ու Լենինգրադի մարզի 60-ից ավելի տեղամասեր, թեկնածուների ընտրական շտաբեր։
Դիտորդական խմբում, Հայաստանից բացի, ընդգրկված են Ղազախստանի, Ղրղըզստանի, Բելառուսի ու Տաջիկստանի խորհրդարանականները։
