15:22 23 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28

Խաչատրյան. «Հայաստանի արտահանողները կկորցնեն Ռուսաստանի շուկան»

ՌԱԴԻՈ
Ստանալ կարճ հղումը
10110

Տնտեսագետ Վահագն Խաչատրյանը Sputnik Արմենիայի եթերում խոսելով ռուս-ամերիկյան լարված հարաբերությունների մասին` պարզաբանում է, թե դա ինչ հետևանք կարող է ունենալ Հայաստանի համար։

«Եթե ռուս-ամերիկյան լարված հարաբերությունները երկար շարունակվեն, և հնարավոր չլինի դրանց քաղաքական լուծում տալ, մենք կհայտնվենք 2014 թվականի վիճակում, երբ իրար հետևից երկու անգամ արժեզրկվեց ռուսական ռուբլին։ Դրա հետևանքով հաջորդ տարի մենք լուրջ խնդիրներ ունեցանք հատկապես արտահանման բագավառում։ Հիմա, երբ անդամագրված ենք ԵԱՏՄ-ին, ռուբլու արժեզրկումը Հայաստանի արտահանողներին կզրի ռուսական կամ եվրասիական շուկայում մրցակցային առավելություններից»,- ասաց մասնագետը։

Տնտեսագետը տեղեկացրեց, որ երեկ Բելռուսում հայտարարություն է եղել, որ այսպես շարունակվելու դեպքում իրենք ևս կարժեզրկեն բելառուսական արժույթը, որպեսզի կարողանան մրցակցային հավասար պայմաններում լինել Ռուսաստանի հետ։

Մինչդեռ, ըստ Վահագն Խաչատրյանի, Հայաստանը չի կարող նման քայլի գնալ` ելնելով մեր տնտեսության կառուցվածքից։ Եթե փորձենք դրամավարկային քաղաքականության լծակներ օգտագործելով` արժեզրկել հայկական դրամը և արտահանողներին հնարավորություն տալ գոնե մեղմել իրավիճակը, ապա խնդիրներ կառաջանան ներմուծման շուկայում, որտեղ գները զգալիորեն կաճեն։

Գլխավոր թեմաներ