Sputnik Արմենիայի հետ զրույցում թուրքագետ Վարուժան Գեղամյանն ասում է, որ Փայլանի հարցը պետք է դիտարկել Թուրքիայում տեղի ունեցող քաղաքական գործընթացների ողջ համատեքստում` իշխանության կողմից ճնշման փորձերը, ցանկացած ընդդիմադիր գործչի, ուժի քննադատելու հնարավորությունից զրկելը։
«Փայլանը առավել ընդդիմադիր և իշխանություններին հակազդող կուսակցության ներկայացուցիչներից է։ Իր վճռական դիրքորոշմամբ կուսակցությունը շատ է տարբերվում իշխանությունների կողմից իրականացվող քաղաքականությունից։ Սակայն Փայլանին ընկալում են ճիշտ նույն կերպ, ինչպես ազգային փոքրամասնությունների ներկայացուցիչներին, այդ պատճառով հայկական ԶԼՄ–ներում և որոշ արտասահմանյան մամուլում հիշատակվում է նրա հայկական ծագումը», – ասաց Գեղամյանը։
Սակայն, թուրքագետի կարծիքով, իրավական և, առավել ևս, քաղաքական տեսանկյունից նա ոչինչով չի տարբերվում մյուս ընդդիմադիրներից։ Ավելին` Փայլանն ամենաազդեցիկ քաղաքական գործիչը չէ ։
Թուրքագետը հույս ունի, որ հենց այդ գործոնը կարող է թուլացնել պատգամավորի նկատմամբ ճնշումը։
