Արթուր Վանեցյան. ԱԱԾ-ն որ րոպեից բացահայտվում է և սկսում է գործել, իմացեք՝ այդ գործը ունենալու է դատական վախճան
ԱԱԾ-ն ռեպրեսիվ կառույց չէ։ Այսօր կառավարության արտահերթ նիստի ավարտին լրագրողներին ասաց ԱԱԾ տնօրեն Արթուր Վանեցյանը։
«Ռեպրեսիաներով ԱԱԾ-ն չի զբաղվում և ես թույլ չեմ տա, որ երբևիցե զբաղվի»,- ասաց նա։
ԱԱԾ-ն, նրա հավաստմամբ, չի մտնի որևէ պաշտոնյայի, բարձրաստիճան զինվորականի տուն` առանց հստակ տեղեկության։
«Մենք գնում ենք` ունենալով օպերատիվ տվյալներ, որոնց իսկության մեջ համոզվում ենք նախօրոք»,- ասաց ԱԱԾ տնօրենը։
Նրա խոսքով` եթե ԱԱԾ-ն որևէ գործ է ձեռնարկել, այն անպայման ունենալու է դատական վախճան։
