«Ադրբեջանական կողմը փորձ է կատարում Հայաստանի ներքին խնդիրներն օգտագործել իր օգտին և օգտվել այն հանգամանքից, որ Հայաստանի հասարակությունն այս պահին ավելի շատ կենտրոնացած է ներհայայստանյան զարգացումների վրա։ Վերջին օրերի բացահայտումները, քանի որ սերտորեն առնչվում են ԵԿՄ ղեկավարի հետ, իսկ այդ կառույցը մասնակցություն է ունեցել արցախյան ազատամարտին, նաև ապրիլյան պատերազմին, ապա ակնհայտ է, որ ադրբեջանական կողմն այդ բացահայտումները փորձում է օգտագործել սեփական քարոզչության համար և հարված հասցնել Հայաստանին, կամ ազդել իր ներքին լսարանի վրա»,–ասում է Ոսկանյանը։
Իրանագետը հիշեցնում է, որ ինչքան էլ բևեռված լինենք ներքին խնդիրներով, բայց մենք գտնվում ենք թշնամիներով շրջապատված միջավայրում, և չի կարելի հաշվի չառնել այս ամենը։ Վերջին զարգացումների ֆոնին Հայաստանը ժողովրդավարական իր առաջընթացի մակարդակով 10–նյակ անգամ առաջ է անցել Ադրբեջանից, և մեր հիմնական ճնշման գործիքը պետք է լինի հենց այս գործոնը։ Հայաստանի ժողովրդավարական իմիջը պետք է օգտագործենք մեր թշնամի պետություններին սանձելու նպատակով։