Հիշեցնենք, որ հուլիսի 2–ին վարչապետ Նիկոլ Փաշինյանը որոշումը ընդունեց 2017 թվականի նոյեմբերի 24-ին ստորագրված` Հայաստանի և Եվրոպական Միության միջև Համապարփակ և ընդլայնված գործընկերության համաձայնագրի կիրարկումն ապահովելու նպատակով միջգերատեսչական հանձնաժողով ստեղծելու մասին։
«Նմանատիպ խումբ գործել է նախորդ կառավարությունում, որի շրջանակում աշխատել է նաև ԱԺ–ն` ի դեմս ինձ։ Հանձնաժողովի հիմնական գործառույթը, նշված վարչապետի վերջին որոշման մեջ, պետք է լինի գործընկերության գերակայություններից բխող գործողությունների և ծրագրերի մշակում, որպեսզի այդ 1000- ավոր էջերից բաղկացած փաստաթուղթը դառնա իրականություն։ Այն ունի քաղաքական կարևորություն։ Համաձայնագիրը ստորագրվել է նախորդ իշխանությունների կողմից, բայց այն օրերի ընդդիմության կողմից նշվել է որպես կարևոր ձեռքբերում»,–ասաց Աշոտյանը։
Նա կարևորեց նաև հանձնաժողովում ԱԺ–ի ներգրավումը, որովհետև, որովհետև գործողությունների մի զգալի մասը պահանջելու են օրենսդրական փոփոխություններ։