15:17 30 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83

Հայրապետյան. «Հրդեհների մեծ մասը մարդկանց անփութության հետևանքով է լինում»

ՌԱԴԻՈ
Ստանալ կարճ հղումը
12140

ԱԻՆ պետական հրդեհային և տեխնիկական անվտանգության տեսչության քարոզչության բաժնի պետ Սերգեյ Հայրապետյանը Sputnik Արմենիայի եթերում խոսում է ամառվա ընթացքում ավելացող հրդեհների պատճառների մասին և զգոնության կոչ անում մարդկանց։

Սերգեյ Հայրապետյան. հրդեհների համար նպաստավոր եղանակ է, բայց դրանց առաջացումը կապված է մարդկային գործոնի հետ

Հայրապետյանը նշում է, որ այս տարի, բարեբախտաբար, անտառային հատվածների հետ խնդիրներ չկան, ինչպես նախորդ տարիներին։

«Ծանր հետևանքներով հրդեհներ չունենք, բայց դա չի նշանակում, որ ամեն ինչ նորմալ է, և պետք է հանգստանանք։ Մենք անընդհատ հետևում ենք իրավիճակին»,- ասում է նա։

Անտառներում հրդեհներ չեն եղել, բայց բավականաչափ հրդեհներ են գրանցվել խոտածածկ տարածքներում։

«Հրդեհների մեծ մասը մարդկանց անփութության հետևանքով է լինում։ Մարդիկ գնում են հանգստանալու, շատ հաճախ մոռանում են իրենց խորովածի կրակը հանգցնել, տարատեսակ աղբ են թափում, որը չորանում և ինքնաբռնկման աղբյուր է դառնում։ Բնության գրկում հանգստանալու ժամանակ պետք է շատ զգոն լինել, խստորեն պահպանել հրդեհային անվտանգության կանոնները»,- ասում է Հայրապետյանը։

Նա հիշեցնում է, որ Հայաստանի անտառների թիվն առանց այդ էլ քիչ է, և հրդեհը դրանց հիմնական թշնամին է։ Այնպես որ, եթե մենք նորմալ չպահպանենք մեր անտառները, տխուր փաստի առաջ կկանգնենք։

Գլխավոր թեմաներ