22:35 14 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Հրանտ Մելիք–Շահնազարյան
© Sputnik / Asatur Yesayants

Մելիք-Շահնազարյան. «Պահանջվում է լուծում, որն ընդունելի կլինի ՀԱՊԿ անդամ երկրների համար»

ՌԱԴԻՈ
Ստանալ կարճ հղումը
43 0 0

«Լավ առիթ է լինելու ՀԱՊԿ անդամ երկրների համար արդեն կնճռոտ դարձած ՀԱՊԿ–ի քննարկմանը նորից վերադառնալու»։ Sputnik Արմենիայի եթերում, խոսելով դեկտեմբերի 6–ին Սանկտ Պետերբուրգում կայանալիք Բարձրագույն Եվրասիական տնտեսական խորհրդի նիստի մասին, ասաց քաղաքագետ Հրանտ Մելիք-Շահնազարյանը:

«Տեսնում ենք, որ կողմերից հակասական հայտարարություններ են հնչում, մեկը մյուսի վրա է փորձում բարդել ՀԱՊԿ–ում առաջացած խնդիրները։ Հասկանալի է, որ այլ ֆորմատում հանդիպելու և խնդիրները քննարկելու անհրաժեշտություն կա։ Ակնհայտ է ՀՀ նոր իշխանությունների հանդեպ անվստահությունը։ Մենք դա տեսնում ենք նրանց հայտարարություններում, որոնք վաղուց անցել են դիվանագիտական լինելու բոլոր սահմանները։ Կարծում եմ, որ վաղը երկրների ղեկավարներին սպասվում են  ծանր աշխատանքային քննարկումներ։ Հուսով եմ` ինչ-որ լուծումներ կգտնվեն»,–ասաց Մելիք-Շահնազարյանը։

Քաղաքագետի դիտարկմամբ` արդեն պարզ է, որ Հայաստանը կորցրել է ՀԱՊԿ–ում գլխավոր քարտուղար ունենալու քվոտան, բայց իրավիճակը լուծում է պահանջում, որը պետք է լինի քաղաքական, դիվանագիտական և ընդունելի ՀԱՊԿ անդամ բոլոր երկրների համար։

թեգերը:
Հավաքական անվտանգության պայմանագիր կազմակերպություն (ՀԱՊԿ)

Գլխավոր թեմաներ