11:34 19 հունվարի 2019
Ուղիղ եթեր
  • USD485.42
  • GBP628.13
  • EUR553.38
  • RUB7.31
Լիանա Թորոսյան
© Sputnik / Asatur Yesayants

Լիանա Թորոսյան. «Հանրապետությունում շրջանառվում է գրիպի H1N1 տեսակը»

ՌԱԴԻՈ
Ստանալ կարճ հղումը
237 0 0

Սուր շնչառական հիվանդությունների առումով իրավիճակը սարսափելի չէ, այն, ինչ գրանցված է համահունչ է սեզոնին։

Այս մասին Sputnik Արմենիայի եթերում ասաց ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոնի» հատուկ վտանգավոր և օդակաթիլային վարակների բաժնի պետ Լիանա Թորոսյանը։

«Սուր շնչառական հիվանդությունների թվերը, եթե համեմատում ենք նախորդ տարվա հետ, կարելի է ասել` կրկնվում են։

Իրավիճակն այս պահի դրությամբ վերահսկելի է։ Օրվա կտրվածքով մենք ուսումնասիրում ենք` ինչ է կատարվում ստացիոնարներում, պոլիկլինիկաներում, անգամ Շտապօգնության կանչերն են վերահսկելի։

Համագործակցում ենք քաղաքապետարանի և մարզպետարանների համապատասխան բաժինների հետ, հանձնարարական է իջեցվել առողջապահական հիմնարկներին, որպեսզի դպրոցներում պատշաճ մակարդակով հսկողություն լինի, որ մրսածությամբ պայմանավորված սրացումներ չլինեն, և կարողանանք իրավիճակը ավելի վերահսկելի դարձնել»,–ասում է Թորոսյանը։

Նրա խոսքով` հանրապետությունում շրջանառվում է գրիպի H1N1 տեսակը, կամ ինչպես բնակչությունն է ասում` խոզագրիպը։ «Խուճապի մատնվել պետք չէ, այն մարդկային գրիպի ենթատեսակներից մեկն է»,–նշում է մասնագետը։

Գլխավոր թեմաներ