03:55 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
Սարգիս Գրիգորյան
© Sputnik / Hayk Petrosyan

Գրիգորյան. «Սիրիայում 2019–ը կարող է ավելի թեժ լինել»

ՌԱԴԻՈ
Ստանալ կարճ հղումը
121 0 0

Արաբագետ Սարգիս Գրիգորյանը Sputnik Արմենիայի եթերում մեկնաբանում է Սիրիայում ստեղծված իրավիճակն ու կանխատեսում 2019–ին սպասվելիք իրավիճակը։

Նրա խոսքով` տարվա սկզբից, այն ինչ տեսնում ենք Սիրիայում ոչնչով չի տարբերում անցած տարիներին այնտեղ կատարվածից` ռազմական բախումներ, լարված իրավիճակ, արտաքին և ներքին շահերի խաղարկում։ «Անգամ, երբեմն, սրացումներ են լինում։ 2 օր առաջ ԱՄՆ կորցրեց իր զինվորներին, որոնք Մանբիջում էին։ Արդեն կարելի է ասել, որ 2019–ը կարող է ավելի թեժ լինել»,–կարծում է Գրիգորյանը։

Նա նկատում է, որ Թրամփի հայտարարած զինուժի դուրսբերումը կարող է բերել սրացումների, հատկապես այն տարածքներում, որտեղ գտնվում էր այդ զինուժը։ Խոսքը Սիրիայի հյուսիս–արևելքի մասին է, որտեղ քրդական ուժերն են, իսկ նրանք համարվում են Միացյալ Նահանգների դաշնակիցները։ Թուրքիան էլ չի թաքցնում, որ այս հատվածների նկատմամբ ունի որոշակի նկրտումներ և այստեղ գտնվող քրդերին համարում է ահաբեկիչներ։

«ԱՄՆ–ի զորքերի դուրսբերումն Անկարան դիտարկում է որոշակի սպառնալիք, քանի որ քրդերը կարող են ակտիվանալ։ Այս տարածքների անորոշությունը ստիպում է Թուրքիային լինել բավական ուշադիր»,–նշում է մեր զրուցակիցը։

Գրիգորյանի կարծիքով` Միացյալ Նահանգների որոշակի զսպումները դեռևս հետ են պահում Թուրքիային ռազմական քայլերի դիմելուց։

 

թեգերը:
Սիրիա

Գլխավոր թեմաներ