12:49 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Ատոմ Մարգարյան
© Sputnik / Aram Nersesyan

Մարգարյան. «Տեղին չէ խանութներին մեղադրել ծխախոտ չվաճառելու համար»

ՌԱԴԻՈ
Ստանալ կարճ հղումը
71 0 0

Ինովացիոն և ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանը Sputnik Արմենիայի հետ զրույցում խոսում է սիգարետի շուկայում ստեղծված իրավիճակի մասին։

ԶԼՄ–ները հայտնում են, որ որոշ խանութներ հրաժարվում են սիգարետ վաճառել, որովհետև այդ շրջանառությունից ստացվող մաքուր եկամուտը չնչին է։ Մարգարյանի խոսքով` միշտ էլ այսպիսի անցումային հատվածում, երբ ակցիզ է վերանայվում, որպես կանոն` շուկան պատրաստ չի լինում այսպիսի փոփոխություններին։

«Ներկա իրավիճակն էլ է այդպիսին։ Պետք է նախևառաջ պաշարները գնահատել, ֆիքսել և ներմուծողներն ու վաճառողները նախօրոք անեին քայլեր, որպեսզի այսպիսի իրավիճակ չստեղծվեր։ Տեղին չէ խանութներին մեղադրել վաճառքից հրաժարվելու համար»,– ասում է նա։

Ըստ Մարգարյանի` խնդիրը, թերևս, կլուծվի այն ժամանակ, երբ նախկինում արտադրված ու վաճառքի հանված ամբողջ ապրանքը սպառվի։

Նշենք, որ ծխախոտը միակ ապրանքն է, որի յուրաքանչյուր տուփի վրա նշված է դրա մանրածախ վաճառքի գինը: Այսինքն, խանութներն իրավունք չունեն նշված գնից ավելի թանկ վաճառել: Եվ ստացվում է, որ վաճառքից գոյացած եկամուտը նվազել է, ինչն էլ հանգեցրել է նրան, որ շատ խանութներ սկսել են կամաց-կամաց կրճատել ծխախոտի թե՛ տեսականին, թե՛ քանակը:

Գլխավոր թեմաներ