15:58 16 հունիսի 2019
Ուղիղ եթեր
  • USD478.40
  • GBP605.13
  • EUR539.06
  • RUB7.43
Զառա Մելքումովա
© Sputnik / Hayk Petrosyan

Մելքումովա. «Հարկ վճարողների համար ընթացակարգը պարզեցվել է»

ՌԱԴԻՈ
Ստանալ կարճ հղումը
92 0 0

ՊԵԿ կազմակերպման և հսկողության վարչության եկամուտների հաշվառման բաժնի պետ Զառա Մելքումովան Sputnik Արմենիայի եթերում խոսում է հարկ վճարողների համար պարզեցված նոր ընթացակարգից։

Մինչև 2018 թվականը  պարտադիր դրոշմավորման ենթակա ապրանքների դիմաց ձեռք բերվող դրոշմապիտակների համար վճարվում էր գումար: Սակայն գործնականում քիչ չէին այդ դեպքերը, երբ դրոշմապիտակները ձեռքբերելուց հետո  հարկ վճարողը չէր օգտագործում այդ դրոշմապիտակները, օրինակ, երբ դադարեցնում էր իր գործունեությունը: «Հարկ վճարողների համար ընթացակարգը պարզեցվել է։ Նոր սահմանված ընթացակարգով բոլոր նման դեպքերում  հարկ վճարողը կարող է դիմում ներկայացնել հարկային մարմին, որպեսզի դրոշմապիտակների համար  նախկինում վճարված գումարները մուտքագրվեն միասնական հաշիվ: Ընդ որում, այդ կարգը սկսել է գործել  2018- թվականի ապրիլից»,–ասում է Մելքումովան:

Նրա խոսքով` գործադիրը նաև որոշում է կայացրել, որ դրոշմապիտակներն այլևս անվճար են և անսահմանափակ: Ընթացակարգը պարզեցվել է նաև պայմանագրային զինվորական ծառայություն անցնող այն անձանց համար, ովքեր հարկային մարմնի կողմից ստանում են տեղեկանք եկամտային հարկի վճարված գումարների մասին: Սա վերաբերում է հատկապես այն զինծառայություն իրականացնողներին, ովքեր բնակվում են վարձակալությամբ և պետությունը ՀՀ կառավարության համապատասխան  որոշմամբ, օժանդակում է զինծառայողին նրա բնակվարձի հարցում։

 

թեգերը:
Հայաստան, ՀՀ պետական եկամուտների կոմիտե

Գլխավոր թեմաներ